Корманди ҶДММ «ДМ Групп»-ро боздошт карданд

Зимни амалиёти кормандони милиса Руслан Назаршоеви 40 сола, корманди ҶДММ «ДМ Групп» бо ҷурми қалобӣ дастгир шудааст.

Тибқи иттилои ВКД, Руслан Назаршоев, сокини кӯчаи Умари Хайём, корманди ҶДММ «ДМ Групп» мебошад. Номбурда дар санаи 27-уми январи соли 2011 бо ширкати «Гучлу докумо Текстил ани Туркия» дар мавриди фурӯши 96 тонна пахта (як тоннааш 3570 доллари амрикоӣ) қарордод мебанданд. Дар таърихи 2-юми феврали соли 2011 ба суратҳисоби ҶДММ «ДМ Групп» ширкати «Гучлу докумо Текстил ани Туркия» 342 720 доллари амрикоӣ барои 96 тонна пахта мегузаронад. 11-уми феврали соли 2011 Руслан Назаршоев ба ширкати «Гучлу докумо Текстил ани Туркия» 6947 кило пахта ба маблағи умумии 247818,69 доллари амрикоӣ дар се автомашина фиристода, 94 901 31 доллари амрикоиро бо роҳи қаллобӣ тасарруф намудааст.

Феълан нисбати ин ҳодиса парвандаи ҷиноӣ оғоз гардида, тафтиши он идома дорад.
Мӯҳр