Таҷлил аз сухани баланд

Мӯъмин Қаноат, шоири халқии Тоҷикистон 80 сола шуд. Имрӯз, 22-уми май дар хонаи адибони Тоҷикистон ба номи Мирзо Турсунзода бахшида ба 80 солагии шоири халқии Тоҷикистон Мӯъмин Қаноат маҳфили адабӣ баргузор гардид.

Ин маҳфили бошукӯҳ бо иштироки аҳли илму адаб, шоирону нависандагон, намояндагони давлатӣ, устодону шогирдони донишгоҳу донишкадаҳо ва ҳаводорони устод сурат гирифт. Ӯро дӯстону наздиконаш бо қироати порчаҳои шеърӣ аз ашъораш ва бо гулу гулдастаҳо ва тӯҳфаҳои хотирмон бо ин санаи фархунда табрик карданд. Ҳамчунин Сафар Абдулло аз Алмаато тариқи скайп Мӯъмин Қаноатро табрик кард.

Мӯъмин Қаноат  20-уми майи соли 1932 дар деҳаи Курговади ноҳияи Дарвоз ба дунё омадааст. Аввалин шеърҳои устод Қаноат ҳанӯз овони ҷавонӣ эҷод шуда, дар рӯзномаи ноҳиявӣ ба табъ расидаанд. Шоири шинохтаи тоҷик Мӯъмин Қаноат баъди хатми омӯзишгоҳи омӯзгории шаҳраки Ғарм, донишҷӯи факултети филологияи тоҷики Донишгоҳи давлатии Тоҷикистон шуда, баъди ба итмом расонидани он то имрӯз ба фаъолияти эҷодӣ машғул аст. Навиштаҳояш бо номи «Суруши Станлинград», «Мавҷҳои Днепр», достони «Гаҳвораи Сино», «Достони оташ», «Тоҷикистон исми ман» ва ғайра миёни хонандагон маълуму машҳур аст.

Тафсилоти бештар чанд лаҳза баъд пахш мешавад

Мӯҳр