«Муҳорибаи беқоида» дар Тоҷикистон роҳ ёфт

Хонандаи синфи 11-и шаҳри Кӯлоб барандаи мусобиқот гардида, нишони олиро ба даст овард.

Ҷамшед Ғаниев аз мактаби миёнаи №-27 дар мусобиқаи ҷумҳуриявӣ аз намуди варзиши муҳорибаи беқоида дар ринг (бой безправил) «UFC», дар вазни 74-кг бар ҳамаи рақибон ғолиб баромада, соҳиби ҷойи аввал ва медали тилло гардид.

Дар сӯҳбат ба «Озодагон» мураббии қаҳрамон, Фирӯз Раҳматов гуфт, « дар толори варзишии мо, ки дар маркази шаҳр ҷойгир аст, аз рӯи чанд намуди варзиш ҷавонон машқ мекунанд. Ҳарчанд ки намуди «муҳорибаи беқоида дар ринг» барои тоҷикон намуди нави варзиш мебошад, вале мухлисону ҷонибдорони он дар Кӯлоб зиёданд. Дар золи мо наздики 20-нафар аз рӯи ин намуд машқ мекунанд».

Тибқи иттилоъ, дар мусобиқаи ҷумҳуриявӣ, ки охири моҳи май дар маркази вилояти Хатлон, шаҳри Қӯрғонтеппа шуда гузашт,  5-нафар варзишгари шаҳри Кӯлоб иштирок намуданд. Сангалӣ Ғаниев, бародари Ҷамшед дар вазни 63,5-кг  маҳорати хуб нишон дода, ҷойи сеюмро касб кард. Мӯҳр