Дзюдочиёни тоҷик барои роҳхати олимпӣ Ӯзбакистон мераванд

Фардо, 25-уми апрел тими мунтахаби кишвар оид ба дзюдо ба шаҳри Тошканд сафар мекунад.

Муродалӣ Тешаев, сардори маркази матбуотии Кумитаи миллии олимпии Тоҷикистон ба Озодагон гуфт, ки яккачини дзюдои кишвар дар чемпионати тахассусии Осиё ширкат хоҳанд кард, ки 26-уми моҳи ҷорӣ ифтитоҳ мешавад. «Ҳайати тими мунтахаби кишвар аз  7 варзишгар иборат аст- Ҷамшед Ҳалилов (60 кг), Сӯҳроб Раҳимов (66 кг), Расул Боқиев (73 кг), Фарҳод Раҳимов (81 кг), Парвиз Собиров (90 кг), Муҳаммад Абдураҳмонов (100 кг) ва Абубакр Раҳмонов (+100 кг). Варзишгаронро президенти Федератсияи дзюдои Тоҷикистон Нурулло Лоиқов роҳбарӣ мекунад»,-афзуд номбурда.

Сабқати тахассусии Осиё дар пойтахти Ӯзбакистон барои варзишгарони тоҷик давраи ниҳоӣ барои соҳиб шудан ба роҳхати бозиҳои олимпии Лондон оид ба дзюдо мебошад.

Мусобиқаи мазкур то 29-уми апрели  идома меёбад.

 

Мӯҳр