Бародарони нашъаҷаллобро то 18 сол аз озодӣ маҳрум карданд

Ҷумахон Ҳамидуллоев, Абдуғафор, Маҳмадҳалим ва Абдусатор Давлатовҳо бо ҳукми Коллегияи судӣ оид ба парвандаҳои ҷиноятии шаҳри Душанбе аз 12 то 15 солӣ аз азодӣ маҳрум шуданд.

Ин афрод бо иттиҳоми ғайриқонунӣ нигоҳ доштан, интиқол ва хариду фурӯши маводи нашъадор муҷрим шинохта шудаанд. Бародарон Давлатовҳо истиқоматкунандаи деҳаи Саричашмаи шаҳри Кӯлоб  ва Ҷумахон Ҳамидуллоев сокини ҷамоати Турдиеви ноҳияи Ҳамадонӣ ҳастанд.

Тавре аз ВКД ба Озодагон хабар доданд, 26-27-уми майи соли 2011 ҳангоми гузаронидани чораҳои фаврӣ-ҷустуҷӯӣ аз ҷониби кормандони Раёсати мубориза зидди ҷиноятҳои муташаккили Вазорат як гурӯҳи муташаккили нашъаҷалоб дастгир шудаанд.

Бино ба иттилои манбаъ, зимни  азназаргузаронӣ аз дохили борхалтаи шаҳрванд Ҷумахон Ҳамидуллоев маводи нашъадори навъи «афюн», ки вазнаш 4 киллою  408 граммро ташкил медод, дарёфт ва мусодира шуд. Инчунин аз бародарон Абдусаттор, Маҳмадҳалим ва Абдуғаффор Давлатовҳо дар 13 бастаҳои селофанӣ, ки дар дохили он маводи нашъадори «бангдона» вазнаш 3 килою 870 грамм, «афюн» дар ҳаҷми 3 киллою  950 грамм ва «ҳашиш» 5 киллою 310 грамм кашф ва забт шудааст. Ба иттилои манбаъ Абдуғафор Давлатов аз ин пеш бо моддаи 200 қисми 4, банди «д»-и Кодекси ҷиноятии  Тоҷикистон ба мӯҳлати 15 сол суд шуда буд.

Додгоҳ Ҷумахон Ҳамидуллоевро ба мӯҳлати 14 ва бародарон Абдусаттор ва Маҳмадҳалим Давлатовро ба мӯҳлати 12 сол аз озодӣ маҳрум кард. Абдуғафор Давлатов бошад, 18 сол равонаи зиндон шуд.

Мӯҳр