Қарзу грантҳо дар Тоҷикистон самараи дилхоҳ намедиҳанд

Садҳо миллион доллар қарзу грантҳои ҷудонамудаи созмонҳои молиявии байналмилалӣ, аз ҷумла Бонки осиёии рушд дар Тоҷикистон (БОР) ба таври лозима сатҳи камбизоатиро паст накарда, вазъи иқтисодию иҷтимоии тоҷикистониёнро беҳбуд набахшидаанд.

Ин нуқтаро дар сӯҳбат бо хабарнигори Озодагон Авилаш Роул, мудири иҷроияи Анҷумани байналмилалӣ оид ба таъмини шаффофияти кори БОР изҳор дошт.

 

Роул сабаби асосии камсамарии лоиҳаҳоеро, ки БОР ва дигар созмонҳои молиявии байналмилалӣ дар Тоҷикистон амалӣ мекунанд, ба он рабт медиҳад, ки ин лоиҳаҳо аксаран бе ҷалби оммаи васеъ, огоҳии мардум ва беназардошти фикри мутахассисони маҳаллӣ амалӣ мегардад. Вай зарурияти ислоҳи ин камбудиҳоро таъкид карда афзуд, ки мардуми Тоҷикистон ҳақ доранд, аз маблағ, мақсад ва раванди татбиқи лоиҳаҳо огоҳ бошанд, зеро дар ҳар сурат пули ин лоиҳаҳо аз ҳисоби андозсупорандагони Тоҷикистон баргардонда хоҳанд шуд.

Дар ҳоли ҳозир тибқи иттилои Вазорати молия, қарзи  Тоҷикистон дар назди созмонҳои молиявии байналмилалӣ ва кишварҳои хориҷӣ ҳудуди 2,2 миллиард доллари амрикоиро ташкил медиҳад, ки баробари 35 фоизи маҷмӯи маҳсулоти дохилии кишвар аст.

 

Мӯҳр