Аввалин тимҳои пирӯз дар сабқати қаҳрамонии футболи Тоҷикистон маълум шуд

Панҷ бозии даври аввали мусобиқаи қаҳрамонии Тоҷикистон миёни дастаҳои Лигаи олӣ баргузор шуд.

7-уми апрел тими «Хайр»-и Ваҳдат бар «Истаравшан»-и Истаравшан бо ҳисоби  4:1 ғолиб омад. Худи ҳамон рӯз «Энергетик»-и Душанбе бозияшро бо «Хуҷанд»-и Хуҷанд мусовӣ-2:2 кард. 8-уми апрел тими «Истиклол»-и Душанбе бо «Ҳосилот»-и Фархор вориди рақобат шуда, ҳарифашро бо ҳисоби 4:1 шикаст дод. Дидори тимҳои «Равшан»-и Кӯлоб ва «Зарафшон»-и Панҷакент 2:0 поён ёфт. Дастаи «Парвоз»-и Бобоҷон Ғаффуров бошад, аз «Вахш»-и Қӯрғонтеппа бо ҳисоби 0:1 мағлуб шуд.

Имрӯз, 9-уми апрел «Гвардия»-и Душанбе бо «Регар-ТадАЗ»-и Турсунзода бозӣ мекунад. Ин дидор соати 16:00 дар варзишгоҳи «Металург»-и шаҳри Турсунзода баргузор мешавад.

 

Мӯҳр