Боздошти қочоқчӣ дар фурудгоҳи шимоли Тоҷикистон

Ин нашъаҷаллоб ният дошт, ки маводи мухадирро ба шаҳри  Москваи Федератсияи Русия интиқол намояд.

Тавре ба хабарнигори  маҳаллии Озодагон аз Раёсати минтақавии гумруки  вилояти Суғд иттилоъ доданд, шаби 1-уми апрел, кормандони гумруки фурудгоҳ ҳангоми азназаргузаронии мусофирони хатсайри рақами 960  Хуҷанд-Москва, муофир  М.У, сокини 24 –солаи ноҳияи Спитаменро мавриди тафтиш қарор доданд.   дар

 

Манбаъ афзуд, аз бағочи дастии М.У, дар даруни халтае 2 адад пойафзоли зимистонаи мардона дарёфт карда шуд, ки аз зери пошнаҳои он 4 бастаи салафанпеч дарёфт ва мусодира гардид. Ташхиси озмоишгоҳ нишон дод, ки маводи мазкур навъи ҳероин буда, вазни хоси он  476 гр-ро ташкил намуд.

-Оиди ин ҳодиса парвандаи ҷиноӣ бо моддаи 200 қисми 2, ( муомилоти ғайриқонунии  воситаҳои нашъадор, моддаҳои психотропӣ ё прекурсорҳо бо мақсади ба соҳибияти каси дигар додан), 32 қисми 3 (тайёрӣ ба ҷиноят, сӯиқасди ҷиноят) ва 289 қисми 2 ( қочоқ, аз сарҳади гумрукии Ҷумҳурии Тоҷикистон гузаронидани маводи нашъовар)-и КҶ ҶТ   оғоз карда шуда тафтишот идома дорад,- афзуд манбаъ.

 

Мӯҳр