Тақвими чорабиниҳои Наврӯзии шаҳрдорӣ

Ба шарафи истиқболи Наврӯзи байналмилалии соли 2012  тибқи қарорҳои дахлдори раиси шаҳри Душанбе рӯйхати чорабиниҳо тартиб дода шудаанд.

---

Тавре Шафқат Сайидов, сухангӯи мири пойтахт ба хабаргузории Озодагон иттилоъ дод, ин чорабиниҳо бо тартиби зайл аз 17 то 27-уми марти соли равон баргузор мешаванд:

 

17-уми март аз соати 9 ⁰⁰ то 11 ⁰⁰ Дави Наврӯзӣ.

20 –уми март, соати 24 ⁰⁰ баргузории фейрверкҳои идона дар ҳаҷми 5 дақиқагӣ дар Боғҳои Рӯдакӣ, Ғалаба, Пойтахт ва «Дӯстии Халқҳо»-и шаҳри Душанбе.

20-21 март аз соати 10 ⁰⁰ ташкили намоишҳои русуми Наврӯзӣ ва барномаҳои идонаи консертӣ дар сатҳи ноҳияҳои шаҳр дар Боғи Ирам, Боғи Ғалаба, майдони 800-солагии Москва, гулгашти ба номи Мироненко ва Боғи Дӯстии Халқҳо.

22-уми март баргузории чорабиниҳои идонаи Наврӯзӣ дар сатҳи шаҳраку маҳаллаҳои шаҳр.

23-уми март соати 14 ⁰⁰ мусобиқаи кушоди гӯштини миллӣ дар Варзишгоҳи марказии шаҳри Душанбе.

арт маъракаи ниҳолшинонӣ дар ҳудуди шаҳри Душанбе.

25-уми март, соати 11 ⁰⁰ намоиши фарҳангии театрикунонидашудаи «Ошёни Наврӯз» ва дар фарҷоми он дар ҳаҷми 7 дақиқа баргузории фейрверки рӯзона дар Муассисаи давлатии «Наврӯзгоҳи пойтахт» (даромад бо даъватнома).

27-уми март, соати 10 ⁰⁰ Пойгаи равони сатҳи ҷумҳуриявӣ бо меъёрҳову иштироки доварони сатҳи байналмилалӣ дар Муассисаи давлатии «Наврӯзгоҳи пойтахт» (арзиши чиптаҳои воридотӣ 5 сомонӣ).

Ҳамзамон, бояд хотиррасон намуд, ки аз 10 то 20 марти соли 2012 баҳри ғановати дастурхони идонаи сокинон ярмаркаҳои фурӯши маҳсулоти кишварзӣ дар бозорҳои коммуналии шаҳри Душанбе ташкил карда мешаванд.

 

Мӯҳр