Тоҷикстандарт: Картошкабирёни СМАК ба талабот ҷавобгӯ нест

Агентии Тоҷикстандарт зимни гузаронидани назорати давлатӣ дар мағозаю бозорҳои кишвар миқдори зиёди маҳсулоти ғайристандартиро ошкор намуд.

---

Тавре аз ин ниҳоди давлатӣ ба хабаргузории Озодагон иттилоъ доданд, маҳсулоти мӯҳлаташон гузашта, асосан аз гӯшту консерваҳо-5000 киллограм, нӯшокиҳои ғайриспиртӣ-100 литр, картошкабирёни тамғаи СМАК 5400 дона иборат буда, баъди ошкор шудан аз муомилот гирифта шуданд.

Бино ба иттилои манбаъ, ҳамчунин 1,5 тонна ҳасиби истеҳсоли ҷумҳурии Ӯзбакистон, ки бе ҳуҷҷати нишондиҳандаи сифат вориди Тоҷикистон шуда буд, ошкор гардид: « Аз тарафи мутахассисони Маркази дар вилояти Хатлонбудаи Тоҷикстандарт 30 тонна намаки ошӣ, бо сабаби риоя нашудани миқдори йоднокиашон ғайристандартӣ дониста шуд. Дар ин самт, зимни гузаронидани як санҷиш дар сехи истеҳсоли орд, воқеъ дар шаҳри Ваҳдат маълум шуд, ки тартиби истеҳсол, таҳвил ва кору хизматрасонии сехи мазкур ба талаботи санадҳои меъёрӣ ҷавобгӯ нест. Дар ин замина, ба истеҳсолкунанда санади манъи фурӯш дода шуд».

 

Мӯҳр