Қабоили қисмати шарқии Либия даъвои мухториятро карданд

Сарони қабилаҳои қисмати Шарқии Либия, ки яке аз муҳитарин минтақаи нафтии ин кишвар ба шумор меравад, зимни як ҷаласа қарор додаанд, ҳукумати нимамухтори Бурқаро  таъсис дода, шаҳри Бонғозиро пойтахти он қарор диҳанд.

---

Бонғозӣ яке аз шаҳрҳои бузурги Либиёст, ки соли гузашта нерӯҳои шӯришгари зидди сарҳанг Қаззофӣ нахуст аз ин шаҳр сар бардошта, Шӯрои Миллии интиқолии Либиёро низ дар ҳамин ҷо бо кӯмаки Фаронса ва дигар кишварҳои Иттиҳоди Аврупо ва Қатар таъсис доданд.

Ҳамакнун, сиёсатмадорони бумии ин шаҳр ва атрофи он иддао доранд, ки шӯрои худро таъсиси диҳанд, ки онро Аҳмад Зубайр ал-Сенусси, яке аз аъзои Шӯрои милии интиқолӣ ба дӯш дорад. Онҳо мехоҳанд дар Бонғозӣ вазоратҳои нафт, умури дохилаи соҳибихтиёр аз Триполиро таъсис бидиҳанд ва буҷаи дохилиро таҳти назорати худ бигиранд. Аммо Шӯрои миллии Интиқолии ин кишвар ба шиддат аз тасмими бонғозӣ интиқод кардааст ва эълом доштааст, ки барои якпорчагии давлат ҳатто аз зӯри силоҳ истифода хоҳад кард. Ин дар ҳолест, ки сарони як қатор манотиқи Либия низ зидди ин тасмим баромада эълон доштаанд, ки дар сурати сар задани он, интиқоли лӯлаҳои нафтеро, ки аз сарони қабоили қаламравонҳо ба Бонғозӣ меравад, қатъ хоҳанд кард. Дар Триполӣ ва Бонғозӣ беш аз 10 ҳазор мардуми он алайҳи ҷонибдорони мухторияти шарқии ин кишвар даст ба тазоҳурот задаанд.

 

Мӯҳр