Аҳмад Ҳасани 36-сола дар таърихи футбол рекорди нав гузошт

Аҳмад Ҳасан, футболбози тими миллии Миср рекорди қаблӣ дар мавриди шумори бозиҳо дар дастаи мунтахаб дар таърихи футболро тағир дод.

---

Шоми 29 феврал Ҳасан дар ҳайати яккачини кишвараш 179-ум маротиба ба майдон баромад. Ин рақам аз рекорди қаблӣ, ки ба дарвозабони тими Арабистони Саудӣ Муҳаммад ал-Деай (178 бозӣ) марбут буд, якто бештар аст.

Ҳасан рекорди навро дар дидори рафиқону бо тими миллии Нигерия гузошт. Ин бозӣ дар шаҳри Доҳа, пойтахти Қатар баргузор шуд. Нимҳимоятгари 36-сола 14 дақиқа қабл аз анҷоми бозӣ ба майдон баромад. Дидор бо ҳисоби 1:0 ба фоидаи Миср поён ёфт.

Ҳасан фикр мекард, ки рекордро 27 феврал, замони рақобати тими миллии Миср бо мунтахаби Кения, ки 5:0 хотима ёфт мегузорад. Аммо тими миллии Кения ба ин бозӣ мунтахаби олимпии худро (бозингарони сини аз 23 поин) фиристоданд ва тибқи қавоиди байналмилалӣ ин дидор ба ҳисоб гирифта нашуд.

 

Мӯҳр