Шайх Қосим: «Ҷанг алайҳи Эрон минтақаро ба коми оташ мекашад»

Шайх Наим Қосим, муовини дабири кулли «Ҳизбуллоҳ» ҳушдор додааст, ки ҳамлаи низомӣ алайҳи Эрон метавонад тамоми Ховари Миёнаро ба коми оташ бикашад.

---

Бино ба навиштаи расонаҳои хабарии ҷаҳон Наим Қосим рӯзи чоршанбе дар гуфтугӯ бо хабаргузории «Reuters» гуфтааст Амрико медонад, ки ҷанг алайҳи Эрон маънои зери оташ қарор гирифтани кулли минтақаро дорад. «Исроил низ метавонад, ҷангеро бар зидди Эрон шурӯъ кунад, аммо аз паёмадҳои он бехабар аст. Паёмадҳое, ки тоқати таҳаммули онро нахоҳад дошт»,-афзудааст номбурда. Дар мавриди ихтилофи шадид миёни Исроил ваАмрико дар бораи ҳамла ба Эрон Шайх Наим гуфтааст, ки Исроил қудрату шуҷоати роҳандозии ҷанг алайҳи Эронро надорад, Амрико бошад, дар фикри интихоботи дар пешистодаи раёсатҷумҳурӣ аст. Ба қавли муовини дабири кулли «Ҳизбуллоҳ»: «Аз сӯи дигар Вашингтон дарк намудааст, ки ҳар даргирӣ бо Эрон нерӯҳои ин кишвар ва муттаҳидонашро дар минтақа зери хатар қарор хоҳад дод ва боло рафтани нархи нафт буҳрони иқтисодии ҷаҳониро бузургтар хоҳад кард». Дар посух ба суоли ин ки оё «Ҳизбуллоҳ» дар вокуниш ба ҳаргуна ҳамла алайҳи Эрон, ба Исроил ҳуҷум мекунад ё на посух додааст, ки Эрон тавони дифоъ аз худро дорад, аммо ин қазия метавонад тамоми минтақаро ба оташ бикашад.

 

Мӯҳр