Инҷили 1500 сола дар Туркия пайдо шуд.Бо забони арабӣ

Дар ин китоб аввалин гуфтаҳои паёмбар Исо ҷамъоварӣ шудаанд. Феълан, Инҷили 1500 сола зери ҳимояи пулис ба Осорхонаи мардумшиносии Анқара оварда шудааст.

Гуфта мешавад, аз ин китоб ҳамагӣ 2 нусха мавҷуд буда, аз он ки дар он аз омадани паёмбари Ислом Муҳаммад (с) башорат дода мешавад, диққати мусулмононро ба худ ҷалб ва қимати онро боло бурдааст.

Инҷили 1500 сола, ки онро Инҷили барнавӣ низ меноманд, аз сӯи калисои масеҳӣ эътироф шуда бошад ҳам, маълумоти дохили онро масеҳиён эътироф намекунанд.

Ёдовар мешавем, ки нусхаи дигари Инҷили барнавӣ соли 1979 дар Покистон бо забони англисӣ ба нашр расида, баъдан бо забонҳои дигар тарҷума ва нашр шудааст.

Ҳафриётшиносон тахмин мезананд, ки Инҷили дар Туркия пайдошуда нусхаи ҳамон Инҷили барнавист, ки дар китобхонаи Конгресси Амрико нигоҳдорӣ мешавад.