Марказҳои хизматрасонии «МегаФон» бештар шуданд

Маврид ба тазаккур аст, ки «МегаФон» мунтазам дар беҳтар кардани сифати хизматрасонии муштариён ва инкишофи шабакаи савдои чакана фаъолият мекунад.  То имрӯз чунин марказҳои фурӯш ва хизматрасонии ширкат дар  бештари  шаҳрҳои калони Тоҷикистон фаълият доранд. Ҳар яке аз ин марказҳои хизматрасонӣ бо дарназардошти тамоми талаботҳо созмон ёфта, хизматрасониро дар сатҳи олӣ ба роҳ мондаанд.

-Дар чунин марказҳои  муштариён имкон доранд, на танҳо маълумот оид ба нархҳои «МегаФон»-ро ба даст оранд, балки ба шабакаи оператор пайваст шуда, инчунин, девайсҳои технологияи навинро бисанҷанд. Ҳамаи мушовироне, ки дар марказҳои фурӯши «МегаФон» фаъолият мекунанд, барномаҳои дуру дарози омӯзиширо мегузаранд,-иттилоъ медиҳад хадамоти матбуотии «Мегафон».

Инчунин, бо мақсади беҳтар намудани сифати хизматрасонӣ аз ҷониби ширкат як истгоҳи базавӣ сохта шуда ва сохтмони зиёда аз 5 истгоҳи базавии стандарти 2G ва 3G оғоз шудаанд. 22 январ дар шаҳри Қӯрғонтеппа, дар кӯчаи Баҳор воқеъ дар идораи хоҷагии чангалпарварии Хатлон истгоҳи ИБ 3260_JANGAL стандарти 2G ба истифода дода шуд ва 31 январ стандарти 3G ба фаъолият оғоз кард.