Донишҷӯёни тоҷик дар Украина ҳамойиш баргузор менамоянд

Сафорати Тоҷикистон дар Украина омодагиро ба Форуми аввали донишҷӯёни тоҷики муассисаҳои таҳсилоти олии ин кишвар, ки 27-29 апрели соли 2012 дар маркази донишгоҳии бузургтарини Украина дар шаҳри Харков баргузор мегардад, шурӯъ намуд.

---

Тибқи иттилои ВКХ, Кумитаи тадорукот оид ба омодагӣ ба Анҷумани мазкур таъсис шудааст ва дар якҷоягӣ бо мақомоти ҳокимияти маҳаллӣ ва роҳбарияти Донишгоҳи миллии техникӣ “Донишкадаи политехникии Харков” масъалаҳои тадорукотӣ ва ғайра доир ба омодагӣ ба ин чорабинии муҳим баррасӣ мегарданд.
Бино ба қавли дафтари матбуотии ВКХ, дар рафти Форуми донишҷӯёни тоҷики вилоятҳои Харков, Днепропетровск, Одесса, Тернопол, Кировоград, Донетск, Виннитск, Луганск, Полтава, Черкасск ва шаҳри Киев масъалаҳои мубрами таҳсил ва ҳаёти донишҷӯӣ муҳокима хоҳанд шуд ва интихоби Шӯрои донишҷӯён, инчунин таъсиси маҷаллаи донишҷӯӣ бо интихоби ҳайати таҳририяи маҷалла дар назар аст. Дар рӯзҳои ин ҳамоиш ҳамчунин мусобиқаҳои варзишӣ аз рӯи 6 намуди варзиш ва озмунҳои мусиқӣ бо интихоби 4 номзад барпо мешаванд.
-Бо мақсади тавсеаи фазои фаъолнокӣ ва самаранокии Форум, такмили мӯҳтавои он бо масъалаҳои мушаххаси марбут ба донишҷӯён, Сафорат ба тамоми донишҷӯёни ҳамватан ҷиҳати шурӯъ ба корҳои омодагӣ ва фиристодани пешниҳодҳои худ ба Кумитаи тадорукоти Форум муроҷиат намуд. Айни замон, дар сомонаи Сафорат (www.tajemb.com.ua) бахши махсуси вобаста ба омодагӣ ва гузаронидани Форуми I кушода шудааст,-афзуд манбаъ.

Мӯҳр