Се баробар афзудани шумораи муҳоҷирон дар вилояти Маскав

Теъдоди муҳоҷирини вилояти Маскав, ки иҷозаи зисти доимӣ гирифтаанд, то 335% афзуда, 37 ҳазор нафарро ташкил додааст.

---

Дар ин бора муовини сардори Хадамоти федеролии муҳоҷирати вилояти Маскав Андрей Ткаченко зимни як нишасти хабарӣ иттилоъ дод. Дар худи шаҳри Маскав бошад, ин рақам ба андозаи 148 фисад ва ё аз 2,5 ҳазор нафари соли 2010 ба 6,2 ҳазор нафар зиёд шудааст.

Тавре Сергей Аксенов, и.в. сардори шӯъбаи муносибот бо ҷомеаи ХФМ ба хабарнигори масковии «Озодагон» гуфт, сабаби афзудани теъдоди ин гуна муҳоҷирин ба вуруди мутахассисони баландихтисоси хориҷӣ ба кишвар вобаста будааст. Гуфта мешавад, дар сурати гирифтани ҳақи домии зист, аъзои оилаи муҳоҷирин низ чунин ҳақроо дарёфт мекунанд.

Ҳамчунин, дар ин нишаст қайд гардид, ки  ҳудуди 10 дар сад дар соли 2011 бештар муҳоҷирин ба вилояти Маскав омадаанд.

Хадамоти федеролии муҳоҷирати Русия тартиби нави будубош ва баҳоугзории сифатии муҳоҷиринро дар баррасӣ қарор додааст, ки ҳар нафари хоҳишманди гирифтани ҳақи зисти доимӣ дар ин кишвар бояд аз 100 балли мавҷуда ҳадди аққал 70 баллро соҳиб гардад. Ин тартиби баллӣ аз рӯи 9 банд рӯи кор хоҳад омад.

Мӯҳр