Мири пойтахт аз хизматрасонии муассисаҳои коммуналӣ интиқод кард

Душанбе аз натиҷаи кори яксолаи мақомоти шаҳрдорӣ натиҷагирӣ кард.

---

Зимнан, имрӯз (12-уми январи соли 2012) дар КВД «Маркази равобити пойтахт» бо иштироки муовини Сарвазири ҷумҳурии Тоҷикистон Руқия Қурбонова ва фаъолони пойтахт, намояндагони институтҳои шаҳрвандӣ ва сохторҳои марбутаи шаҳрдорӣ таҳти раёсати райиси шаҳри Душанбе Маҳмадсаид Убайдуллоев ҷаласаи ҷамъбасти рушди иқтисодию иҷтимоии шаҳри Душанбе дар соли 2011 баргузор гардид.Дар ин бора Шавкат Сайидов, сухангӯи мири пойтахт ба хабаргузории «Озодагон» иттилоъ дод.
Бино ба гуфти номбурда, дар ҷаласа зикр гардид, ки мақомоти иҷроияи маҳаллии ҳокимияти давлатӣ дар шаҳри Душанбе фаъолияти худро дар доираи барномаҳои тараққиёти иҷтимоиву иқтисодӣ баҳри муваффақ гардидан ба инкишофи устувори соҳаҳои мухталифи хоҷагии шаҳр, инфраструктураи он, рушди соҳибкорӣ, ҷалби сармоягузории дохиливу хориҷӣ равона намуда, ҷиҳати расидан ба ҳадафҳои нињоӣ, ки мақсад аз он барои ба ҳар як сокини шаҳр фароҳам овардани шароити зиндагии арзанда ва инкишофи озодона ба шумор меравад, тадбирҳои зарурӣ андешида, иҷроиши  нишондиҳандаҳои асосии нақшавиро аз лиҳози оморӣ таъмин намуд.
Дар нишаст Маҳмадсаид Убайдуллоев аз ҷумла зикр намуд, ки ба ҳамаи дастгириҳо нигоҳ накарда, дар фаъолияти сохторҳои марбутаи ноҳияҳои шаҳр, ки масъулияти хизматрасониҳои коммуналӣ сад дар сад ба онҳо вогузошта шудааст, то ба ҳол камбудиҳои ҷойдошта бо пуррагӣ бартараф нагаштаанд ва сатҳи хизматрасонӣ беҳбудии куллиро тақозо менамояд.
Тафсилоти бештар аз ин ҷаласа фардо, 13-уми январ дар www.ozodagon.tj  ба нашр мерасад

Мӯҳр