Боздошти як қаллоби «заминфурӯш» аз сӯи кормандони ВКД

Дар пайи як амалиёти кормандони милиса дар ноҳияи Фирдавсии пойтахт Хайриддин Фатҳуддинови 40 сола боздошт гардид.

---

Номбурда сокини  кӯчаи  Фирдавсӣ буда, айни замон дар ягон ҷой фаъолият намекунад. Аз дафтари матбуотии ВКД ба «Озодагон» иттилоъ доданд, ки ӯ моҳи майи соли 2011 бо роҳи фиреб ба боварии Абдурасулов Ш-и 28 -сола, сокини кӯҷаи Нахимов даромада, аз номбурда 3500-доллари ИМА гирифтааст:   «Хайриддин Фатҳуддинов ваъда додааст, ки аз маҳаллаи Уртабузи ҷамоати «Шарора»-и ноҳияи  Ҳисор 0,6- гектар қитъаи замин ба Абдурасулов ҷудо карда медиҳад,  аммо  маблағро  гирифта то ҳол барнагардонидааст».
Ҳамчунин, Фатҳуддинов моҳи майи соли 2011  бо роҳи фиреб ба боварии шаҳрванд  Эгамов Ғ, сокини 73-солаи кӯчаи Дарвоз даромада, аз ӯ 5000 доллар гирифтааст. Феълан, нисбати ин қазия парвандаи ҷиноӣ боз гадрдида, тафтишот идома дорад.

Мӯҳр