06 окт 2017 10:53Тоҷикистон / Ҷавонон ва варзиш / Тема дня

Саидҷалол Комроншоҳро шикаст дод ва соҳиби Ҷоми Президенти Тоҷикистон шуд

Саидҷалол Саидов, паҳлавони номдори тоҷик ғолиби 5-умин Ҷоми Президенти Ҷумҳурии Тоҷикистон оид ба ҷудо гардид. Дар ин бора Кумитаи миллии олимпии кишвар хабар додааст.

Ба иттилои манбаъ, Ҷоми Президенти Тоҷикистон рӯзи гузашта, 5 октябр дар шаҳри Ваҳдат баргузор шуд ва дар даври финалӣ Саидҷалол Саидов паҳлавони дигари шинохтаи тоҷик -- Комроншоҳи Устопириёнро шикаст дод.

Саидҷамол Алимардонов аз Тоҷикистон ва Шаҳриёр Идрисов аз Қирғизистон мацоми сеюми мусобиқаро касб кардаанд. Манбаъ мегӯяд, ғолиб ва ҷоизадорони мусобиқа дар баробари медал ва диплом бо маблағҳои пулӣ қадр шудаанд. Барои ҷойи аввал 56 ҳазор сомонӣ, барои ҷойи дуюм 32 ҳазор сомонӣ ва барои ҷойҳои сеюм 16 ҳазор сомонӣ ихтисос ёфтааст.

Дар мусобиқаи мазкур варзишгарони 17 давлат – Арманистон, Афғонистон, Беларус, Британияи Кабир, Куба, Қазоқистон, Қирғизистон, Непал, Олмон, Покистон, Русия, Тоҷикистон, Украина, Ҳолланд, Ҳиндустон, Ҷопон ва ШМА дар вазни -90 кг рақобат карданд.

Мусобиқоти Ҷоми Президенти Тоҷикистон оид ба ҷудо соли гузашта низ дар шаҳри Ваҳдат доир шуда, Ҷом насиби варзишгари украинӣ -- Станислав Бондаренко шуда буд. Ҷойи дуввумро Гарсия Мендоз, варзишгар аз Куба ва ду ҷойи сеюмро варзишгарони узбак -- Муҳсин Кисомиддинов ва Абдулло Тангриев соҳиб гаштанд. Ин мусобиқа аз соли 2013 ба ин сӯ ҳамасола доир мешавад.

Мӯҳр

Хабарҳои монанд:

Саидчалоли чуни мо факат дар Точикистон кахрамон мешавад!

Ҷавоб диҳед Иқтибос Шикоят

Куҳистони

Чаро Саидҷалол факат дар ҳамин ҶТ диплому медал мегирад?????? Чаро??? Шумо намедонен бародаро аа??? Хориҷа ки рафт пойяш дар ларза медрояд мушакҳои дстош сууууст мешавад !!!!! Ё товбаааа!!!!! О намешавад ай ҶТ доваро хориҷа браван катеш))))))))))))))????

Ҷавоб диҳед Иқтибос Шикоят

Орзу

Дар хорича Комроншох дар вазни + 90 кг ва Саидчалол +100 кг гуштин мегиранд мухтарам Кухистони. Инро ба назар гиред.

Ҷавоб диҳед Иқтибос Шикоят

Плюс не минус

Орзу,
Не бародар. Дар хорича Комроншо дар вазни -90 Саидчалол бошад -100 хунарнамои мекунанд.

Ҷавоб диҳед Иқтибос Шикоят

Орзу

Плюс не минус,
Бахшиш, дуруст кайд кардед. Ислох намешавад кард, вагарна ислох мекардам

Ҷавоб диҳед Иқтибос Шикоят

Эзоҳ илова кунед