06 окт 2017 09:03Тоҷикистон / Сиёсат / Рӯ ба рӯ / Тема дня

Табрикоти О. Раҳмон ба падараш: Аз дастархон то қавли фарзандон (ВИДЕО)

Озода Раҳмон, раҳбари Дастгоҳи иҷроияи Президенти Тоҷикистон тариқи як навори видеоӣ падар, устод ва роҳбаладаш-Эмомалӣ Раҳмон, раисиҷумҳури Тоҷикистонро бо 65-умин солгарди мавлудаш шодбош гуфтааст.

Озода Раҳмон дар навори 4 дақиқаӣ, ки аз ҷониби Хадамоти матбуоти раисиҷумҳури Тоҷикистон нашр шудааст, падарашро “қиблагоҳи оқилу одилу донишманду хирадманд” хитоб карда, ба ӯ тамманияти аҳли оила ва қавли фарзандону наберагонашро баён доштааст.

Дар паёми шодбошии раҳбари дастгоҳи раисиҷумҳури Тоҷикистон аз ҷумла омадааст:

“Падари азизам, ифтихорам, устодам, роҳбаладу мураббии ғамхорам, имрӯз барои мо аҳли фарзандону наберагон ва пайвандон, як рӯзи пур аз шодмонию саодат аст. Ҷашни бузурги зодрӯзи Шумо бори дигар мо фарзандонро сари як дастархони пур аз навозишу меҳрубонӣ ва шукру сипос ҷамъ овардааст. Зиндагии пур аз нишоту саодати Шумо ва модари меҳрубонамон, давлатсозию давлатдории ҷавонмардонаву пур аз ифтихори миллиатон барои ҳар яки мо фарзандону наберагон мояи ифтихору сарбаландӣ ва дарси ибрат аст.

Падари азизам барои Шумо аз даргоҳи Парвардигор саломатӣ, умри пурбаракат, шодию нишоти аз ин ҳам бештар, давлати поянда, обрӯю нуфузи ҷовидонаро орзу менамоям. Бигузор ҳамеша бахту саодат ва сулҳу ваҳдати пойдоре, ки меъмораш шумоед, дар фазои Тоҷикистон азизи мо баландпарвозӣ кунад.
Мо ҳама фарзандону наберагон қавл медиҳем, ки мисли Шумо падари азизам, даст болои дил, барои Ватану сарзамин ва халқи азизи Тоҷикистон содиқона ва бо виҷдони пок хизмат мекунем.

Зодрӯзатон муборак падари азизу меҳрубонам!”

Озода Раҳмон паёми шодбошияшро бо шеъре поён бахшидааст, ки оғозаш чунин аст:

Рӯзу шаб бо завқи дил "Қуръон” тиловат гар кунӣ,
То дами субҳи сафо тоат, ибодат гар кунӣ.
Мисли Ҳотам доимо хайру саховат гар кунӣ,
Каъбаи ҳақро ҳазорон бор зиёрат гар кунӣ.
То падар розӣ набошад, тоатат мақбул нест...

Мӯҳр

Хабарҳои монанд:

Рахмонали Бодомов

Бисёр суханони хуб кайд кардан мухтарама раиса, инчунин мо хам пешвои худро табрик мегуем хамавакт аввало саломат бошад сояи сари Точикони Точикистону чахон бошад

Ҷавоб диҳед Иқтибос Шикоят

самандар

мо низ дар табрики шумо шарик хастем апай азиз хамеща хайрхохи милат бошанд.

Ҷавоб диҳед Иқтибос Шикоят

Эркинбой

офарин. Бехтарин, 100% меарзад, рахмат ба шумо.......

Ҷавоб диҳед Иқтибос Шикоят

Сагера

Дилам шукуфт аз ин суханнхо. Махсусан ибораи "қиблагоҳи оқилу одилу донишманду хирадманд". Мо хам мисли падар ва чун ин Ватан Пешвои миллатро дуст медорем ва нисбаташон эхтироми хосса дорем. Мехохем тарзе рафтор кунем, ки мехнати кардаашон то абад дар дили на танхо мардуми имруза, балки наслхои насл боки бимонад.

Ҷавоб диҳед Иқтибос Шикоят

Кӯҳзод

БА ПЕШВОИ МИЛЛАТ
То ҳастӣ бар сари мо, эй Пешвои миллат,
Хоре намедарояд ҳаргиз ба пои миллат.
Ҳар кас намерасад гар бар қадри заҳмати ту,
Ӯро занад замоне биллаҳ Худои миллат.
Азабаски сабз кардӣ сар то сари Ватанро,
Сарсабзтар бигардӣ ту бо дуои миллат.
Баҳри наҷоти миллат кардӣ гузар зи ҷонат,
Ҷони ту дар амон бод, эй ҷонфидои миллат.
Имрӯз шасту панҷ аст умри мубораки ту,
Мавлуди ту муборак, мушкилкушои миллат!

Ҷавоб диҳед Иқтибос Шикоят

Мирзо

Апачон суханхои бехтарин локин бисер гамгинона сухан гуфтед мохам ба табрикот шарикем

Ҷавоб диҳед Иқтибос Шикоят

Sadullo

Салом ! Бехтарин табрикот мо низ шарикем....
Ниҳоли қоматат пурбор гардад,
Туро умри наку ҳам ёр гардад.
Дар ин дунё бизи сад соли дигар,
Ки дунё аз паят гулзор гардад.

Ҷавоб диҳед Иқтибос Шикоят

Эзоҳ илова кунед