02 окт 2017 11:11Тоҷикистон / Иҷтимоӣ

(ВИДЕО) Вазир: Ҷазои саркашҳо аз пардохти алимент ҷиноӣ мешавад

Маҷлиси намояндагони Тоҷикистон имрӯз, 2-юми октябр тағйиру иловаҳо ба Кодекси ҷиноиро қабул кард, ки бар асоси он алайҳи саркашҳо аз пардохти алимент парвандаи ҷиноӣ боз мешавад.

Рустам Шоҳмурод, вазири адлияи Тоҷикистон зимни муаррифии лоиҳа дар парлумон гуфт, аслан ҳадаф аз тағйирот мутобиқсозии Кодекси ҷиноӣ ба Конститутсия мебошад.

Ӯ афзуд, инчунин ба моддаҳои 177 ва 178-и Кодекси ҷиноӣ иловаҳо ворид шудаанд, ки бар асоси он алайҳи ашхосе, ки барқасдона ба муҳлати беш аз се моҳ аз пардохти алимент саркашӣ мекунанд, парвандаи ҷиноятӣ боз мешавад: “Барои нафароне, ки қасдан аз пардохти алимент саркашӣ мекунанд, ҷавобгарӣ дар қисми якум бетағйир мондагӣ, дар он ҷо ҷарима, корҳои ислоҳӣ ва то 2 сол маҳрум сохтан аз озодӣ пешбинӣ шудааст, қисми дуюме, ки пешниҳод кардем, агар такроран содир гардад, то се сол маҳрум сохтан аз озодӣ пешбинӣ шудааст”.

Вазири адлия шарҳ дод, ки тағйиру иловаҳо ба хотири ҳифзи ҳуқуқи кӯдакон роҳандозӣ шудааст. Ба гуфтаи Рустами Шоҳмурод айни ҳол 65 ҳазор нафар ба қайд гирифта шудаанд, ки алимент пардохт накардаанд ва миёнашон афроде низ ҳастанд, ки барқасдона саркашӣ мекунанд.

Вазири адлия таъкид намуд, ки солҳои охир қарздорӣ аз ҳисоби алимент зиёд шудааст ва тағйироти мазкур барои ҳалли ин мушкил мусоидат хоҳанд кард.

Мӯҳр

Хабарҳои монанд:

Ахмад

Баъд ин хазорхо мардхо, ки аз сабаби надоштани даромади пули алимент дода наметавонанд, доги суди гиранд, чи мешавад¿

Ҷавоб диҳед Иқтибос Шикоят

Муслеҳ

Салом ба озодагон аз шумо эҳтиромона хоҳиш менамоям, ки нисбати занҳое, ки нисбати шавхаронашон хиёнат мекунанд ягон қонун бароранд ки вақте ки падар хоҳад кудакҳора аз модар гирад.

Ҷавоб диҳед Иқтибос Шикоят

беном

Икдоми хеле хуб,шояд баъд аз ин тагийру иловахо хонавайронй камтар гардад,ки тифли бегунох дар ин мобайн азоб накашад. Баъд аз оила барпо кардан андешаи зиндагии солимро бояд кард.

Ҷавоб диҳед Иқтибос Шикоят

Эзоҳ илова кунед