29 сен 2017 14:24Тоҷикистон / Иҷтимоӣ / Дидгоҳи хос

Хиёнату ҷудоӣ-гардише дар достони ишқи Ҳабиби тоҷик ва Валя (ВИДЕО)

Достони ишқу хонадории Ҳабиб Патахонов, шаҳрванди Тоҷикистон, ки 12 соли қабл барои издивоҷ бо Валя Исоева, ноболиғи 11-солаи рус вирди забонҳо шуда буд, дигарбора дар барномаи “Пуст говорят” баррасӣ шуд.

Тайи 12 соли хонадорӣ оилаи ин ҷуфт ҳамеша мавриди назари расонаҳо буд ва ахиран Валя Исоева, ҳамсари Ҳабиб Патахонов бо шикоят аз шавҳараш ба барномаи “Пуст говорят” омада, изҳор доштааст, ки дигар бо ӯ зиндагӣ намекунад.

Валя гуфтааст, Ҳабиб ӯро мезанад ва писарашро ба ӯ нишон намедиҳад. Шавҳараш дар навбати худ Валяро дар хиёнаткорӣ муттаҳам карда, изҳор медорад, ки ҳафтаҳо ба хона намеояд.

Зимни барнома маълум мешавад, ки Валя воқеан тайи 1,5 соли охир дӯстдоштаи дигар доштааст.

Ҳабиб Патахонов мегӯяд, писараш зардина аст ва дар падарии худ шубҳа пайдо кардааст. Аммо дар барнома натиҷаи ташхиси генетикиро эълон мекунанд, ки падарии Ҳабиб 99% тасдиқ мешавад.

Қиссаи ошиқии Ҳабиб ва Валя 12 соли қабл оғоз гардид. Моҳи майи соли 2005 таваллуд кардани як ноболиғи 11-сола, ки ҷавонтарин модар унвон мешуд, аз мавзӯъҳои доғи расонаҳои Русия буд. Он вақт гуфта шуд, падари фарзанди ин хонандаи мактаб муҳоҷири 17-сола аз Тоҷикистон аст. Ҳабиб аз узбактаборони Тоҷикистон гуфта мешавад. Баъди расонаӣ шудани ҳодиса Ҳабиб барои робитаи маҳрамона се сол шартан ҳукм гирифт. Бо қарори додгоҳ Ҳабиб ва Валя ҷудогона зиндагӣ мекарданд, аммо парастории духтарашон Амина бар души ҳардуяшон буд. Ба иттилои манбаъ, баъди ба синни 17 даромадани Валя соли 2010 ин ҷуфти ҷавон никоҳи расмӣ баста буданд ва соҳиби писарча-Амир шуданд.

Достони ишқу ҷудоии Ҳабиб ва Валя дар барномаи “Пуст говорят”, лаҳзаҳои асосӣ:

Барномаи муфассал:

Мӯҳр

Хабарҳои монанд:

Хикмат

Эй Ҳабиби сарзада халқи Кабир 12сол пеш туро масхара мекарданд
дар ҳамон барнома.Дар ёд дори? Дар ин қадар вақти тулони шаҳрванд шуда натавонисти? Духтарҳои қошсиёҳи узбак дар Ватан интизори ҷигитҳою ту Валя гуфта гашти.Қаҷу бенур ҳам бошад аз миллати худ бошад.Ҳайф!

Ҷавоб диҳед Иқтибос Шикоят

Али

Дарахти макри ЗАН сад реша дорад.
Фалак аз дасти ЗАН андеша дорад!!!
Просто Хабибу жалько, всё равно любит эту ИЗМЕНЩИЦУ но мужской гордость и НОМУС не позволяет ему этого сказать!!! Трудно ему это пережить но мы просим Аллаха дать ему САБР. А про неё хочу сказать, что рано или поздно она сожелеет но уже будет ПОЗДНО!! Боки дар амони Аллох бошед)))

Ҷавоб диҳед Иқтибос Шикоят

Эзоҳ илова кунед