23 сен 2017 10:00Тоҷикистон / Сиёсат / Дидгоҳи хос / Муҳоҷир

Боздошт барои тоҷик будан: Созиш барои пешгирӣ аз такрори қазияи Люблино

Қазияи латукӯби Наврӯз Зикиров, муҳоҷири 27-солаи тоҷик аз сӯи посбонҳои бозори “Люблино” ва боздошти эътирозгарон дар пайи он мавзӯи меҳварии мулоқоти Имомиддин Сатторов, сафири Тоҷикистон дар Маскав бо Григорий Карасин, ноиби вазири умури хориҷии Русия будааст.

Тибқи иттилоияи сафорати Тоҷикистон дар Русия ҷонибҳо ба мувофиқа расидаанд, ки барои ҷилавгирӣ аз такрори чунин ҳодисаҳо чораандешӣ хоҳанд кард.

Латукӯби Зикиров, сокини ноҳияи Балҷувон дар Маскав 20-уми сентябр рух дод ва дар пайи он гуруҳи муҳоҷирони тоҷик ҷамъ омада, хостори муҷозоти гунаҳкорон шуданд. Дар натиҷа ҳудуди 100 муҳоҷири тоҷик боздошт гардид, ки гуруҳе аз онҳо ҳоло ҳам дар боздошт мебошанд.

Дар ҳамин ҳол Шӯрои назди раисиҷумҳури Русия оид ба рушди ҷомеаи шаҳрвандӣ ва ҳифзи ҳуқуқи инсон аз ВКД хостааст, латукӯби Зикиров ва боздошти муҳоҷирони дигари тоҷикро мунсифона таҳқиқ кунад. Денис Набиулин, узви Шӯрои мазкур мегӯяд, зимни боздид муайян намудаанд, ки ҳуқуқи боздоштшудаҳо нақз шудааст: “Аз ҷумла афроде боздошт шудаанд, ки ҳеч иртиботе бо қазия надоранд. Онҳо мегӯянд, коргари бозоранд ва танҳо барои доштани шиносномаи Тоҷикистон боздошт гардидаанд”.

Инчунин Набиулин шикоят кардааст, ки маъмурини милиса тайи 30 дақиқа монеи боздидаш аз идораи пулис шудаанд, ки хилофи қонунгузории федеролии Русия мебошад.

Мӯҳр

Хабарҳои монанд:

Хакгу

Ачаб замона хам лату куб хам тахкир ва табассумхои бечои сафир гуе ки дар кадом маросими идона вохури дорад ва фахр хам намудааст Шармам омад аз Точик буданам

Ҷавоб диҳед Иқтибос Шикоят

Точики мухочир

Ин сафири Точикистон барои кадом кори хубаш механдида бошад. Оё таъкибу паст задани точикон ба хандаовар хаст?

Ҷавоб диҳед Иқтибос Шикоят

тошболта

и мардак "селфи" гирифтай, гамш натен..

Ҷавоб диҳед Иқтибос Шикоят

Шохид

Ман нафахмидам. Ин сафир барои хакки мухочири мехнатиро талаб кардан рафта буд ё афсонаи бузаки чингилапо хондан?

Ҷавоб диҳед Иқтибос Шикоят

муҳоҷир

Мӯҳтарам сафар ва намояндаи мардуми Тоҷикистон дар Руссия ба ҷои ханда ба фикри муҳоҷирони бе сарпаноҳ бошед ...агар аз уҳда барнамеоед лутфан вазифаро ба ягон ғамхор супоред.

Ҷавоб диҳед Иқтибос Шикоят

Эзоҳ илова кунед