22 сен 2017 17:52Оcиёи Марказӣ / Тоҷикистон

ВКД: Назиров, узви гуруҳи Мулло Абдулло боздошт гардид

Вазорати корҳои дохилии Тоҷикистон аз боздошти Неъматулло Назирови 43-сола, муттаҳам дар узвият ба гуруҳи ҷиноятпешаи Мулло Абдулло хабар дод, ки дар куштор, ғорат, ташкили иттиҳоди ҷиноятӣ ва нигоҳдории силоҳу лавозимоти ҷангӣ муттаҳам мешавад.

Тибқи гузориши ВКД, Неъматулло Назиров, сокини деҳоти Муҷихарф аз маъмурини милиса дар ноҳияи Нуробод боздошт гардидааст.

Ба иттилои манбаъ, гумонбаршуда бо чанд нафар ҳаммаслакони худ аз солҳои 1993 то 1998 бо дастур ва супоришҳои Абдулло Раҳимов дар ҳудуди ноҳияи Нуробод фаъолияти ҷиноятӣ анҷом медодаст: “Тариқи ташкили дидбонгоҳҳои худсарона маблағи мусофирон ва молу ҷиҳози рузгори онҳоро бо роҳи зуроварӣ аз худ мекардааст”.

Манбаъ афзуд, дастгиршуда дар чанд амалиёти мусаллаҳона бар зидди қатори мошинҳои ҳарбию низомӣ иштироки фаъолона карда, аз ҷумла дар дар дашти Сичароғ бо ҳаммаслакони худ ба куштори сарбозону афсарон даст задааст.

ВКД афзуд, муттаҳам барои раҳоӣ аз ҷавобгарӣ, як автомати Калашников, чанд дона тир ва ду дона норинҷакро ба падарарӯсаш дода, худ ба Русия меравад, аммо баъди бозгашт зимни як амалиёт боздошт гардид.

Мӯҳр

Хабарҳои монанд:

мехмон

Ман хайрон аз он мешавам ки авфи умум шуд , ап он нафароне ки солхои 92-96 чиноят карданду хозир хаёти осоишта доранд , таъкиб намешаванд. Ин мард кай гунох карда бошад? Баъди авфи умум ?

Ҷавоб диҳед Иқтибос Шикоят

Қодир

Албатта ман дар он солҳо ҳатто ба дунё омадаги набудам леким дар як чи ҳайронам, ки вақти ки ҷанги шаҳрванди буд бояд ино бе силоҳ ҷанг меканрдан ми?
Аз ин тараф бо тангу тупҳо зада меран аз он тараф онҳо бояд чикор мекарданд санг шапак ё маргро интихоб мекардан?
Фикр мекунам бояд барои ҷанг на бояд касеро муттаҳам кард шукри истиқлолу сулҳ бояд кард ва ба пешрави даъват карду ба пеш бояд рафт аз ақиби шахсоне, ки мо қатишон сулҳ кардем набояд гашт.
Агар чунин кард сулҳи мо чи маъно дорад???

Ҷавоб диҳед Иқтибос Шикоят

Нозир

Қодир,

Додари ҷон Қодир,
Чун он солҳо ҳатто ба дунё наомада будӣ, албатта аз ҳолати кор бехабарӣ. Бинобарин, шояд каме он ҳодисаҳои таърихиро биомӯзӣ; он аз манфиат холӣ нест.
Гапро тӯлонӣ карданӣ нестам, аммо яке аз шартҳои асосии "гузаштан аз гуноҳҳо" супоридани силоҳ ва минбаъд идома додан ба зиндагии осоишта буд. Аз ин бармеояд, ки ӯ то лаҳзаҳои дастгиршавияш силоҳҳои худро насупоридааст. Магар ин ҷиноят нест?!

Ҷавоб диҳед Иқтибос Шикоят

Эзоҳ илова кунед