Кӯлоб: 21 ҳазор гӯсфанди зоти «ҳисорӣ» нобуд шудааст

Хоҷагии зотпарварии «Ҳисор»-и ноҳияи Фархор як замон шӯхрати даврон буду овозааш то Маскав ҳам расида буд.

---

Он вақт дар хоҷагӣ даҳҳо ҳазор гӯсфандони ин зот парвариш ёфта, гӯшти он барои ҳамаи ҷумҳуриҳои бародари ИҶШС  ба фурӯш интиқол меёфт. Баъди фанои СССР  ва баъдан бесарусомониҳои солҳои 1992-97, гӯсфандҳои зотии хоҷагии «Ҳисор» ҳам, мисоли дигар ҳайвоноти навоҳии кишвар ба ғорат рафтанд.

Қурбонбой Каримов, райиси ноҳияи Фархор ба хабаргузории «Озодагон» гуфт,аз 30 ҳазор сар гӯсфанди хушзот ҳоло ҳамагӣ 9 ҳазор боқӣ мондаасту бас: «Ба болои нобуд шудани даҳҳо ҳазор сар гӯсфанд, хоҷагӣ тайи ин муддат аз андоз қарздор шуда, қарзаш 600 ҳазор сомониро ташкил медиҳад».

Дар ҳамин ҳол, Каримов мегӯяд, бо  иваз гаштани сардори хоҷагӣ ҳам, қудрати ин ташкилот барои пардохти ҳақи андоз намерасад. Ба гуфтаи ӯ, чорводорӣ дар аксари маврид соҳаи фоидаовар ба ҳисоб намеравад ва усулан хароҷоти он аз ҳисоби давлат роҳандозӣ мегардад. Аммо дар ҳоли ҳозир, бо иллати камбуди маблағи буҷа, давлат ҳам наметавонад ба ин соҳа кӯмак намояд.

Мӯҳр