Суғд: 70-солагии Биҳоҷал Раҳимова дар Хуҷанд таҷлил гардид

Имрӯз дар толори хурди ҳукумати вилояти Суғд ҷаласаи тантанавӣ бахшида ба 70-солагии Корманди шоистаи Ҷумҳурии Тоҷикистон, ходими намоёни сиёсӣ ва ҷамъиятӣ Биҳоҷал Раҳимова сурат пазируфт.

---

Хабарнигори маҳаллии «Озодагон» мегӯяд, ҷамъомадро райиси вилоят Қоҳир Расулзода ҳусни оғоз бахшида, дар бораи фаъолияти ибратомӯзи ин зани матинирода, сиёсатмадори шинохтаи ҷумҳурӣ суханони пурмеҳр баён дошт. Ҳамчунин, соҳибҷашнро Назира Ғаффорова, муовини райиси Маҷлиси намояндагон, Ҳилолбӣ Қурбонова, муовини райиси Кумитаи кор бо занон ва оилаи назди ҳукумати Ҷумҳурии Тоҷикистон, Мӯҳсин Раҳимов, райиси Шӯрои собиқадорони ҷангу меҳнати вилоят, дӯстону шогирдони соҳибҷашн- Сабоҳат Нурова аз ноҳияи Мастчоҳ ва Муҳаммадҷон Ҳоҷиев аз шаҳри Хуҷанд табрику муборакбод намуданд.

Манбаъ афзуд, дар чорабинӣ соҳибҷашн ҳам ба сухан баромада, миннатдории худро ба роҳбарияти мақомоти иҷроияи ҳокимияти давлатии вилоят, дӯстону пайвандон ва аҳли толор иброз намуд. Гуфтанист, дар ин ҷаласа ба бону Раҳимова тӯҳфаҳои арзанда ва дастагулҳои тару тоза тақдим гаштанд.

Мӯҳр