23 авг 2017 11:35Тоҷикистон / Сиёсат / Дидгоҳи хос / Тема дня

Пешниҳоди вакил алайҳи нархҳои “осмонӣ”-и ситораҳо: То 5 ҳазор $ мегиранд...

Ҷаббор Ахмедов, вакили Маҷлиси намояндагони Тоҷикистон пешниҳод кард, ки нархи иштироки сарояндаҳо дар тӯйҳо танзим карда шавад.

Ахмедов имрӯз, 23-юми август зимни баррасии тағйиру иловаҳо ба қонун “Дар бораи танзими анъана ва ҷашну маросимҳо дар Ҷумҳурии Тоҷикистон” гуфт, бархе сарояндаҳо барои иштирок дар тӯй аз 500 то 5 ҳазор доллари амрикоӣ талаб мекунанд, ки хеле гарон аст: “Ин ситораҳо, ки то 5 ҳазор доллар талаб мекунанд, ба сарояндаҳои дигар таъсири бад мерасонанд”.

Вакили мардумӣ аз мақомоти дахлдор талаб кард, ки масъалаи мазкурро таҳти назорат гиранд. Ӯ дар маҷмуъ аз тағйирот ба қонун “Дар бораи танзими анъана ва ҷашну маросимҳо дар Ҷумҳурии Тоҷикистон” ҷонибдорӣ намуд. Ахмедов мисол овард, ки феълан бисёриҳо маҳз барои баргузории тӯй ба муҳоҷират мераванд: “Танзими ин масъала ва қабули лоиҳа ба раванду мазмуни муҳоҷират низ таъсир мерасонад”.

Тағйирот ба қонун “Дар бораи танзими анъана ва ҷашну маросимҳо дар Ҷумҳурии Тоҷикистон” аз сӯи Эмомалӣ Раҳмон, раисиҷумҳур пешниҳод шуда, ҷавобгарӣ барои нақзи қонунро пурзӯр мекунад.

Мӯҳр

Хабарҳои монанд:

ап

Рафик Ахмадов инро бозор мегуянд. Албатта нархи сарояндаи машхур гаронтар аст, мисле ки Мерседес аз Опел гаронтар аст. Наход шумо вакил шуда хаминро нафахмед?

Ҷавоб диҳед Иқтибос Шикоят

Беном

Бисёр пешниходи оличаноб! Ин сарояндахои навбаромад хатто зинда хонда наметавонаду бо фонограмма дар 2 соат ( як соати дигар баранда гап зада, ба дигарон сухан медихад) аз 800 то 5000 долларро мегиранд, ки онхо дар як мох андози ночизеро ба давлат месупоранд. Бигузор дар тую маъракахо аз дискхо истифода бурда шавад. Шарт нест, ки барои танхо дидани сароянда маблаги хангуфт дода шавад. Аламовар он аст, ки он каттагии сарояндагони " бе овоз"-ро дар мошинхои гаронбахо мебинию дилат ба профессорону академику духтур месузад, ки солхои тулониро ба омузиши илм сарф кардаанду чунин мошинро харида наметавонанд. Илтимос, намояндагони мардуми, инро ба назар гиред!!!!

Ҷавоб диҳед Иқтибос Шикоят

Шореҳ

Инро чӣ мешад гуфта?
Ин вакил дар куҷо таҳсил карда бошад?
Кани туйҳои ҳамин вакила худаша як санҷида бароед, чанд пул харҷ кардагӣю чан пулба ҳофиз овардагиш?
Дигар кор надоред?!

Ҷавоб диҳед Иқтибос Шикоят

Ҳоҷӣ

ЯК ПЕШНИҲОД:
МЕТАВОН ГУФТ,КИ НАРХИ САРОЯНДАГОН ТО (****-СОМОНӢ) МУҚАРАР КАРДА ШАВАД.МАҚСАД,КИ АЗ ИН МИҚДОР МАБЛАҒ ЗИЁД НАГИРАНД.ВА БА ҚАДРИ МАШҲУРИЯТ ВА ТАҚОЗОИ МАРДУМ, ХУДРО НАРХГУЗОРӢ НАМОЯНД.

Ҷавоб диҳед Иқтибос Шикоят

Танзимбек

Агар тавони даъвати сарояндаи машхурро надори, бирав бобои Файзро заказ бикун. Бо як халта орд туятро обод мекунад.

Ҷавоб диҳед Иқтибос Шикоят

Юсуфии Хучанди

Мухтарам Чаббор Ахмедов дуруст кайд намудед. Танзим на танхо дар шумораи иштироккунандагони базму маросим мебошад. Айни хол бо нархи хизматрасонии як хофиз ва ё як туйхона аз 5 то 10 оштуи, ки то кабули конуни танзим буд гузаронидан мумкин. Магар ин нархи навои хофиз, туйхона, гурков ва гайра раво аст? Депутатхои мухтарам агар гами халкро хурдани бошед, пеш аз конунро кабул намудан камтар окилона фикр кунед.

Ҷавоб диҳед Иқтибос Шикоят

Фарҳангӣ

Муҳтарам Вакил, диққат нашавед. Худаш тахминан баъди як ду сол сарояндаҳоро сузан зада мекобед. Ҳа! мӯҳтарам Вакил, чаро,ки туйю маъракаҳо алакай танзим гуфта бо мондани мусиқии DJ бо нархи аз 300-500 сомонӣ бе малол рақсу бози бо диски сарояндаҳои дилхоҳ гузаронида истодаанд ё умуман як оши туй барои қавм бо ҳамин кори туй тамом. Дигар ин иборае,ки даҳ понздаҳ сол гушхарош намуда будед ҷомеъаро "УҲуууу сарояндаҳо аз 1000$ то 5000$ аз туйҳо маблағ меситонанд" куҳна шуду дигар имрӯз маъноероҳам надорад. Аз ин минбаъд туйҳоҳам бе даъвати санъаткорон мегузарад.Муассисаҳои фарҳангиҳам бе ҳунарманд-коргар мемонанд.Чун,ки дар 400-500 сомонӣ ҳеҷ кор намекунад.

Ҷавоб диҳед Иқтибос Шикоят

Фарух

Пешина бародар бисёр зур кайд кардан диск кати гузаронанд нагзтар чун ки бе ягон гуфтугу хама он сарояндагоне ки ситораи ким кадом само мегиранд худашона диск монда лабашонро мечунбонанд тамом аз ун дида хамун дсики ду сомона ги рену боки маблагро дар дигар камбудихои оиладори сарф кунед

Ҷавоб диҳед Иқтибос Шикоят

Эзоҳ илова кунед