23 авг 2017 10:53Оcиёи Марказӣ / Тоҷикистон

Муфтӣ ва Давлатзода дар парлумон: Ҷиҳозбарии арӯс мамнуъ шуд (ВИДЕО)

Сулаймон Давлатзода, раиси Кумитаи дин, Саидмукаррам Абдулқодирзода, раиси Шӯрои уламо ва Файзулло Баротзода, директори Маркази исломшиносии назди Президенти Тоҷикистон имрӯз, 23-юми август барои шарҳи тағйиру иловаҳо ба қонун “Дар бораи танзими анъана ва ҷашну маросимҳо дар Ҷумҳурии Тоҷикистон” ба ҷаласаи Маҷлиси намояндагон ҳозир шуданд.

Сулаймон Давлатзода зимни муаррифии лоиҳа гуфт, бар асоси тағйироти пешниҳодшуда мансабдорон, судяҳо, хизматчиёни давлатӣ ва аъзои ҳукумат барои нақзи қонуни танзим ба ҷавобгарӣ кашида мешаванд. Ӯ афзуд, ки минбаъд тӯйу маъракаҳо дар рӯзҳои истироҳат аз соати 8 то 22 ва рӯзҳои корӣ аз 18 то 22 бояд баргузор шаванд.

Раиси Кумитаи дин таъкид намуд, ки хатнасур бо аъзои оила бе даъвати дӯстон гузаронда мешавад.

Масъалаи ҷиҳозондани хона аз тарафи наздикони арӯс дар парлумон баҳси гармеро ба вуҷуд овард. Вакил Абдураҳим Холиқзода зимни баррасии тағйирот гуфт, бар асоси модаи 10-и лоиҳа, ин маърака, ки хонакашон ном дошт, манъ шудааст: “Дар баъзан ҳолатҳо то 20 нафар аз ҷониби арӯс рафта, хонаи арӯсро бо ҷиҳоз таъмин мекарданд, ки ин манъ шудааст”.

Эмомалӣ Раҳмон, раисиҷумҳури Тоҷикистон барои баррасӣ ва қабули тағйиру иловаҳо ба қонун "Дар бораи танзими анъана ва ҷашну маросимҳо дар Ҷумҳурии Тоҷикистон" ҷаласаи ғайринавбатии Маҷлиси намояндагонро даъват намуд ва Маҷлис имрӯз тағйироти пешниҳоднамудаи раисиҷумҳурро қабул кард.

Видеои лоиҳаи тағйирот ба қонуни танзим:

Мӯҳр

Хабарҳои монанд:

Пешравии иктисодиет, баланд бардоштани маош, ташкили чойхои кориро барраси кунед. Е аз дастатон чизи дигаре гайр аз танзим намеояд?

Ҷавоб диҳед Иқтибос Шикоят

Юсуф

Беҳтар нест, ки ҳама чизро барҳам диҳед. На тӯйи хонадориву арусӣ шаваду на хайру худоӣ! Рафту омад ба хонаи хешу табор низ манъ шавад. Ёру дӯстон ҷамъ шуда ба ресторанравиро бас кунанд. Барои аёдат аз беморон дар беморхонаҳо низ хотима ёбад, зеро онҳо пул сарф карда барои беморон (ва духтурон) ҳар чиз медаранд. Ана ҳамин тавр. Парлумони тоҷик ҳоло бояд бисёр чизҳоро ба танзим дарорад, аз ҷумла сарфу харҷу маошҳои худашонро.

Ҷавоб диҳед Иқтибос Шикоят

юсуф

Ба чои танзим пули донишгоххоро ба танзим дароред.Яъне кам кунед то ин ки фарзандони камбагал хам хонад.

Ҷавоб диҳед Иқтибос Шикоят

ношинос

и парлумони тоҷик дига ягон кор надора чи??

Ҷавоб диҳед Иқтибос Шикоят

Беном

Вакилони мухтарам! Ба он нафароне, ки рохи бизнесро ёфтаанду барои макияжи арус аз 100 то 150 доллар мегиранд, ягон чорае бинед. Онхо маоши як рузаи мардумро дар як соат кашида мегиранд, ки тамоман савод надоранд. Хатто маълумоти Оли надоранд. Бигузор нарххои онхоро низ ба танзим дароранд. Инчунин онхо духтаронро ба шогирди мегиранд ва барои ин 300 доллар дар як мох мегиранд. Инро дида, чавонон ба илм кам таваччух мекунанд, зеро рохи осони пул коркуниро ёд мегиранд...

Ҷавоб диҳед Иқтибос Шикоят

Эзоҳ илова кунед