Нигаронии ҷиддии Президент аз сатҳу сифати дониши хонандаҳо ва мизони таҳсили духтарон дар мактабҳои миёнаи Ҷайҳун

Эмомалӣ Раҳмон, раисҷумҳури Тоҷикистон аз кори кишоварзони ноҳияи Ҷайҳун изҳори нигаронӣ карда, гуфтааст, соли гузашта дар ҳамаи шаклҳои хоҷагидорӣ дар майдони зиёда аз 19 ҳазор гектар кишти зироатҳо гузаронидаанд, ки назар ба соли 1991-ум 1000 гектар кам мебошад.
Президенти кишвар субҳи имрӯз, 17 август зимни суханронӣ дар ҳузури роҳбарону фаъолон ва сокинони ноҳияи Ҷайҳун таъкид намудааст, ки “кишти пахта 6500 гектар, истеҳсоли гӯшт 1000 тонна, шир 900 тонна, пилла 112 тонна ва майдони токзор 90 гектар коҳиш ёфтааст”.
Ба гуфтаи раисҷумҳур, давоми шаш моҳи соли ҷорӣ дар муқоиса бо ҳамин давраи соли гузашта масоҳати кишти картошка 100 гектар, сабзавот 210 гектар ва истеҳсоли картошка 1200 тонна кам шудааст: “Ҳолати дигари нигаронкунанда ин аст, ки дар зарфи солҳои истиқлолияти давлатӣ масоҳати заминҳои корами обии ноҳия беш аз 6200 гектар кам шудааст. То имрӯз қариб панҷуним ҳазор гектар заминҳои корам, аз ҷумла 5100 гектар заминҳои корами обӣ ба заминҳои партов мубаддал гардидаанд, ки 24 фоизи заминҳои партови вилояти Хатлонро ташкил медиҳад. Ин дар ҳолест, ки айни замон зиёда аз 26 ҳазор гектар заминҳои ноҳия бо об таъмин буда, имконияти обёрӣ намудани боз ҳазорҳо гектар мавҷуд мебошад”.
Эмомалӣ Раҳмон ҳамчунин аз сатҳи таъсиси ҷойҳои корӣ нигаронӣ кардааст: “Ҳоло дар минтақаи мазкур 14 ширкат ба қайд гирифта шудааст ва то имрӯз ҷиҳати ба фаъолият оғоз кардани онҳо ҳамагӣ 7 миллион сомонӣ сармоягузорӣ гардида, 100 ҷойи корӣ таъсис дода шудааст. Ин рақамҳо нисбат ба имкониятҳое, ки дар минтақа вуҷуд доранд, ночизанд”.
Дар идомаи суханронӣ Президенти Тоҷикистон гуфтааст, дар шашмоҳаи якуми соли ҷорӣ маҳсулоти саноатӣ дар ноҳия умуман истеҳсолӣ нашуда, корҳои сохтмон низ иҷро нагардидаанд: “Бинобар ин, Вазорати рушди иқтисод ва савдо, маъмурияти Минтақаи озоди иқтисодии “Панҷ” якҷо бо мақомоти иҷроияи ҳокимияти давлатии вилоят ва ноҳия вазифадоранд, ки тавассути ҷалби сармояи дохиливу хориҷӣ ва воридоти технологияҳои навтарин барои суръатбахшии раванди ташаккул ва рушди минтақа чораҳои фаврӣ андешанд”.
Ба гуфтаи ӯ, давоми солҳои 1997-2016 дар ноҳияи Ҷайҳун тавассути дастгириҳои давлат, инчунин, бо кумаки соҳибкорон даҳҳо бинои нави таълимӣ ва 271 синфхонаи иловагӣ бунёд карда шуда, дар маҷмӯъ, барои беш аз 7200 ҳазор нафар хонанда шароити мусоиди таълим фароҳам оварда шудааст: “Лекин то имрӯз дар сатҳи паст қарор доштани сатҳу сифати дониши хонандагон, пурра фаро гирифта нашудани духтарон ба зинаи таҳсилоти умумӣ, сатҳи нокифояи таъминот бо омӯзгорони фанҳои дақиқ ва иҷро нагардидани Барномаи давлатии рушди муассисаҳои томактабӣ ва миёнаи умумии хусусӣ барои солҳои 2014-2020 дар ноҳия боиси нигаронии ҷиддӣ мебошад”.
Мӯҳр
ТАҚВИМ
« Апрел 2025 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 | 6 |
7 | 8 | 9 | 10 | 11 | 12 | 13 |
14 | 15 | 16 | 17 | 18 | 19 | 20 |
21 | 22 | 23 | 24 | 25 | 26 | 27 |
28 | 29 | 30 | |