09 авг 2017 10:15Тоҷикистон / Дидгоҳи хос

Шоҳиён: Шояд 7%-и мардум рӯзнома хонад, дигар ҳама ТВ тамошо мекунанд

Маҳмадсаид Шоҳиён, раиси Кумитаи телевизион ва радиои Тоҷикистон мегӯяд, аксари мардум дар кишвар шабакаҳои телевизиониро тамошо мекунанд ва қисми хеле кам рӯзномаҳо мехонанд.

Шоҳиён, зимни як ҳамоиш дар Душанбе дар мавриди таваҷҷуҳи мардуми кишвар ба шабакаҳои телевизиони ватанӣ изҳор дошт, ки зиёда аз 90 фоизи шаҳрвандон телевизион тамошо мекунанд: “7 фоизи мардум мумкин рӯзномаҳоро хонад, аммо дигар ҳама телевизион тамошо мекунанд”.

Раиси Кумитаи телевизион инчунин таъкид кард, ки дар шабакаҳои давлатӣ мавзуъҳои мамнуъ вуҷуд надорад ва феълан шабакаҳои телевизионӣ аз тамоми соҳаҳои кишвар барномаҳои таҳлилӣ танқидӣ пахш мекунанд. Ӯ дар хитоб ба рӯзноманигорони мустақилу хориҷӣ изҳор дошт, ки “ман шуморо эҳтиром мекунам, бояд як мушт шавем. Бигзор танқид ҳам бошад, аммо мо бояд дар якҷоягӣ кор кунем, манфиатҳои миллатро аз манофеи шахсию гуруҳӣ боло гузорем”.

Тибқи иттилои Кумита феълан дар кишвар 12 шабакаи давлатии телевизион 32 шабакаи ғайридавлатӣ фаъолият мекунанд. Шоҳиён изҳор дошт, ки феълан мутахассисон барои гузаштан ба пахши“HD” кор карда истодаанд ва то охири соли равон ин иқдом амалӣ мешавад.

Мӯҳр

Хабарҳои монанд:

анахитта

Телевизиони точикро кам одамо тамошо мекунанд. Нагз хам мекунанд. Чи даркор вакта бехуда гузаронидан. Раиси мухтарам, бояд ин чизро икрор куни. Агар мачбур набоши худат ам тамошо намекуни.

Ҷавоб диҳед Иқтибос Шикоят

Раджаб

Дар телевизионхои давлати факат тарифхои по дар хаво бисер аст. Масалан аз як тараф лентаи корхонахоро мебуранд ду руз пас ин корхонахо аз кор мемонад. Агар натарсед дар бораи нархи чиптахо гап занд

Ҷавоб диҳед Иқтибос Шикоят

Акбар

Шахсан ман тамошо мекунам назар ба пеш хела хуб шудааст рахмат!

Ҷавоб диҳед Иқтибос Шикоят

сармад

Дуруст гуфтаи Шохиён. Лекин фоизи тамошобинони телевизионхоеро, ки худат расиаш хасти чанд бошад?

Ҷавоб диҳед Иқтибос Шикоят

Сафо

Ин мардак танкид гуфта, ба фикрам танкиди ХИЧОБУ САТРО дар назар дорад! Чун ки ТВ-хои давлати ба чуз танкиди иффати модару хохари мусалмон яъне САТРУ ХИЧОБ дигар чизе ё касеро танкид намекунанд!

Ҷавоб диҳед Иқтибос Шикоят

Эзоҳ илова кунед