Духтари 23-сола зери чархи комбайни ғалладарав монд

Дар пайи ду сониҳаи нақлиётӣ дар роҳҳои автомобилгарди ҷумҳурӣ 2 нафар ҷони худро аз даст доданд.

---

Тавре ба хабаргузории «Озодагон» аз ВКД хабар доданд, дар шаҳри Истаравшани вилояти Суғд ронандаи комбайни «СК-5М-1» Нурулло Қаршибоеви 28- сола аснои ҳаракат дар шоҳроҳи Душанбе-Хуҷанд-Чанок, дар километри 234-уми ҳудуди деҳаи  Лақати ҷамоати Коммунизм  аз ўҳдаи идораи воситаи нақлиёт набаромада, пиёдагард Тулганой Ҳамдамоваи 23 сола, сокини  ҷамоати  Коммунизм, деҳаи Лақатро   пахш намудааст, ки дар натиҷа охирон ҷароҳати вазнини ҷисмонӣ  бардошта, дар ҷойи ҳодиса ба ҳалокат расидааст.

Ҳамчунин ба ҳамин ҳодиса монанд, дар ноҳияи Бобоҷон Ғафуров ронандаи автомашинаи тамғаи «Опел-Астра» Сунатҷон Валиеви 18 сола, сокини шаҳи  Қайроққум зимни ҳаракат дар шоҳроҳи Чойруҳ-Хуҷанд қоидаи ҳаракати роҳро риоя накарда, ба канори чапи роҳ чаппа шудааст, ки дар натиҷа, сарнишини мошин дар ҷойи ҳодиса ба ҳалокат расидааст.

Мӯҳр