27 июл 2017 07:16Тоҷикистон / Сиёсат / Рӯ ба рӯ / Тема дня

Қарори Президент: Сомонаҳои давлатӣ фаъол шаванд

Эмомалӣ Раҳмон, раисиҷумҳури Тоҷикистон бо имзои як қарор қоидаҳои ягона барои сомонаҳои интернетии тамоми сохторҳои давлатӣ, аз сатҳи ҷамоат то вазоратҳоро тасдиқ кардааст.

Тибқи қарор, ки моҳи равон имзо шуд, ниҳодҳои давлатӣ муваззаф шудаанд, сомонаҳои худро тибқи талаботи нав ба тартиб оранд, пайваста иттилои ҷадиду дархӯри рӯзро нашр намоянд.

Дастгоҳи раисиҷумҳури Тоҷикистон масъул гардидааст, ки риояи қоидаҳои нави сомонаҳои интернетии ниҳодҳои давлатиро назорат кунад.

Хадамоти алоқа ва ширкати “Тоҷиктелеком” дастур гирифтаанд, ки давоми 9 моҳ тамоми заминаҳои техникӣ ва тарҳи мувофиқро барои сомонаҳои ниҳодҳои давлатӣ, аз сатҳи ҷамоатҳо то вазоратҳоро фароҳам оранд. Инчунин Хадамоти алоқа ва Тоҷиктелеком як сол муҳлат гирифтаанд, ки мавзеи ҷойкунии сомонаҳои интернетии давлатиро фароҳам созанд ва бо дархости мақомоти маҳаллии ҳокимияти давлатӣ дар асоси шартнома, сомонаҳои интернетияшонро рушд диҳанд.

Ин қарори ҳукумати Тоҷикистон дар ҳолест, ки бисёре аз сомонаҳои интернетии мақомоти давлатӣ, расман вуҷуд доранду амалан фаъол нестанд ва солҳо боз иттилои наверо пешниҳоди корбарон намекунанд.

Дар акс Бег Сабур, раиси Хадамоти алоқаи Тоҷикистон

Мӯҳр

Хабарҳои монанд:

Простой Парен

Саломалейк ба хама ва Бег Зухуров илтимос пули хармохаи интернетро паст кунед хамаш зур мешавад ва ва ракобати байни провайдерхоро насчет поратлхошон Саломат бошед чоп шавад иллтимос

Ҷавоб диҳед Иқтибос Шикоят

шайх

ана акнун пулчамкуни сар шуд ончиро ки аз танзим сарфа шудааст зиёдтар карда барои интернет медихем-чи

Ҷавоб диҳед Иқтибос Шикоят

Paymon

Сомонаҳои давлатӣ duchandu sechand faol shavand ham honanda namejoband, chun yak namud raksu yak ohang dorand.

Ҷавоб диҳед Иқтибос Шикоят

Охотник

Боз ягон мерган пайдо мешавад ва симчубро бо тир мезанад.

Ҷавоб диҳед Иқтибос Шикоят

Эзоҳ илова кунед