21 июл 2017 18:22Тоҷикистон / Иҷтимоӣ / Рӯ ба рӯ / Муҳоҷир / Видео

Хайр Русия, салом Аврупо-самти нави муҳоҷирати тоҷикон (ВИДЕО)

Мақомоти Тоҷикистон мегӯянд, коҳиши муҳоҷирати шаҳрвандон ба Русия идома ёфта, тайи шаш моҳи аввали соли равон 237 ҳазору 70 тоҷикистонӣ ба муҳоҷирати меҳнатӣ ба Русия рафтаанд ва ин нисбати нимсолаи аввали соли гузашта 2,4% кам мебошад.

Дар ин бора Сумангул Тағойзода, вазири меҳнат, муҳоҷират ва ҳифзи аҳолии Тоҷикистон ахиран зимни нишасти матбуотӣ иттилоъ дода, изҳор дошт, ки мақомоти тобеяш барои роҳёбии муҳоҷирони тоҷик ба Аврупо талош доранд ва феълан гуруҳи муҳоҷирони тоҷик дар Лаҳистон кор мекунанд: “Давоми соли ҷорӣ, мо ба як ширкати ватанӣ барои бурдани муҳоҷирони меҳнатии тоҷик ба Олмон ва дигар давлатҳои Аврупо иҷозат додем ва ин ширкат шаҳрвандони моро он ҷо назорат хоҳад кард. Шартномаҳои меҳнатие, ки бо кордиҳанда баста мешавад, ҳатман мавриди омӯзиш қарор дода мешаванд, зеро мо бояд ҳуқуқу манфиатҳои шаҳрвандони худро баъди ба дигар давлат рафтани онҳо ҳимоят карда тавонем”.

Хонум Тағойзода зикр кард, ки бурдани муҳоҷирони меҳнатӣ ба Аврупо мушкилӣ дорад, зеро Аврупо ба мутахассисони баландпоя ниёз дорад. Вазири меҳнат мушкили забониро яке аз монеаҳои дигар дар роҳи муҳоҷирони тоҷик ба сӯи Аврупо хонд: “Аммо сари ин масъала корҳо рафта истодааст, курсҳои кутоҳмуддати забономӯзӣ ва омӯзиши ин ё он ихтисос роҳандозӣ шудааст”.

Мӯҳр

Хабарҳои монанд:

мухочир

То кай мардуми точик дар хорича сарсону саргардон мегардад,чаноби вазир?
Оё аз хешу табори Шумо нафаре дар мухочирати кори дар хорича ,хусусан дар Россия хаст ё не? Ва Шумо хамчун вазири мухочират аз ахволи мухочирони кори дар Руссия хабар доред,ки чи тавр дар азобанд?

Ҷавоб диҳед Иқтибос Шикоят

Юсуф

Омӯзиши забони англисиро дар макотиб ва донишгоҳҳо васеъ бикунед. Бояд ҳар рӯз дарс хонда шавад. Вале беҳтараш онки фанҳои гуманитарӣ бо забони тоҷикӣ дарс дода шавад, фанҳои дақиқ бошад, ба забони англисӣ. Ин кори яку дусола нест, вале марҳила ба марҳила ба ҳамин система гузаштан мумкин. Тоҷикистон бояд бо мурури замон аз зери таъсири геополитикии Русия барояд, вагарна ҳеҷ вақт рушду тараққиро намебинад. Ҳамеша бозори арзони мардикор хоҳад монд.

Ҷавоб диҳед Иқтибос Шикоят

Илҳом

Чӣ, вазифаи вазирии шумо фақат аз бурдани тоҷикон ба муҳоҷирати меҳнатӣ иборат аст? Дар бораи масъалаи "бо кор таъмин кардани онҳо дар Тоҷикистон" фикр накардаед. Агар фикр накарда бошед, як фикр кунед!

Ҷавоб диҳед Иқтибос Шикоят

Шахрванд

О бисер мухочироне ки каблан рафта буданд, баъзеашон барнамегарданд, бвъзеашон шахрвандии Русияро гирифта истодаанд..

Ҷавоб диҳед Иқтибос Шикоят

саид

АСЛАН САБАБИ АСОСИИ ЗИЁД ШУДАНИ МУХОЧИРОН ИН ТАВАЧЧУХИ КОСТАИ ВАЗОРАТИ МЕХНАТ МЕБОШАД , ОИДИ ИН РАВАНД САБАБХОИ ЗИЁД МАВЧУДАНД,КИ БОЯД ТАНХОИ БАР ЗИММАИ ВАЗОРАТ ГУЗОШТА ШАВАД БОЯД ВАЗОРАТ ТО ЧОЕ АЗ ХУКУМАТ ЧИХАТИ ТАЪСИС ДОДАНИ ЧОЙХОИ НАВИ КОРИ МУРОЧАИТ КУНАД.....ИН РАВАНД МЕТАВОНАД КИ БА ЗИЁДАШАВИИ ТЕЪДОДИ МУХОЧИРОН МОНЕА ШАВАД..........

Ҷавоб диҳед Иқтибос Шикоят

Эзоҳ илова кунед