21 июл 2017 10:08Тоҷикистон / Фарҳангу адаб / Видео / Тема дня

ВИДЕО: Ректори Донишкадаи исломӣ дар бораи либоси миллӣ

Масъулини Донишкадаи исломии Тоҷикистон ба номи Имоми Аъзам мегӯянд, тарҳи либосҳои миллиеро барои донишҷӯдухтарон омода кардаанд, ки посухгӯи талаботи шариати исломӣ мебошад.

Тоҷиддин Асомуддинзода, ректори донишкадаи мазкур имрӯз, 21 июл дар суҳбат бо хабарнигорон гуфт, ин тарҳ дар ҳамкорӣ бо Маркази исломии кишвар, фатво ва назари коршиносонаи онҳо бо ҳадафи “парҳез намудан аз шакли зоҳире, ки бо фарҳанги мо бегона аст”, таҳия шудааст.

Ӯ гуфт, ҳоло 90 дарсади донишҷӯдухтарон ин либосро ба бар мекунанд.

Ректори Донишкадаи исломии Тоҷикистон дар идома гуфт, баъзан чунин андеша баён мешавад, ки пӯшидани либоси арабӣ, эронӣ ё туркӣ нишонаи Ислом аст: “Ман дар як матлаби худ, ки дар нашрияи “Ҷумҳурият” нашр шуд, дар ин робита мисол задам, ки дар Индонезия, кишварҳои Осиёи Шарқӣ ва ё кишварҳои арабие монанди Миср миёни масеҳӣ ва мусалмон аз назари либос тафовут дида наметавонед. Маънояш ин аст, ки либос либоси динӣ набуда, либоси миллии онҳост”.

Тоҷиддин Асомуддинзода афзуд, “либоси миллӣ бояд дар ҳама ҷо мадди назар бошад ва тибқи эҳтироме, ки дар шариати муқаддаси Ислом ба миллат ва қавм аст, метавонем бо доштани либоси миллӣ тамоми талаботи шариати Исломро ба ҷо биорем”.

Мӯҳр

Хабарҳои монанд:

Юсуф

...вале худаш либоси урупоӣ дар тан дорад! Магар либоси миллӣ фақат ба зану духтарҳо тааллуқ дорад? Тоҷикон чӣ либоси миллӣ доранд?

Ҷавоб диҳед Иқтибос Шикоят

сарсони саргардон

Дар навор намунаи ин либосхо чаро оварда нашудааст?чунки бовари дорам гардан пушида намешавад бинобар ин либосашон тибки талаботи шариат нест,агар ин либос ба шариат чавобгу бошад чаро факат ба чавон духтарони донишкадаи исломи будааст чаро барои хама тавсия намекунед ки хохаронамон пушанд

Ҷавоб диҳед Иқтибос Шикоят

беном

Либоси миллии точикон; токи, салла, чомаю челак, эзор ва аз пойафзол муки ва чорук.

Ҷавоб диҳед Иқтибос Шикоят

Paymon

ZInda bod dini Zardushti!

Ҷавоб диҳед Иқтибос Шикоят

Юсуф

Вақте либоси миллӣ мегӯянд, фақат зану духтарҳоро дар назар доранд. Либоси миллии мардҳо, чӣ? Чаро дар ин бора касе сухан намекунад. Илова бар ин, агар мардеро дар кӯчаҳои пойтахт ба ҷелаку маҳсииву салла бинанд, ҳама ба ҳайрату тааҷуб ба сӯи у менигаранд. Дар ҳоли ки арабҳо бо либоси миллиашон бемалол дар идораҳои давлатӣ ва шахсӣ фаолият мекунанд. Касе боре ба Дубай сафар кардааст, инро ҳанӯз дар фурӯдгоҳи Дубақ ҳатман дидааст. Мо бояд эътироф кунем, ки либоси миллии мардонаи тоҷикон аз байн рафтааст.

Ҷавоб диҳед Иқтибос Шикоят

озодхох

э каседа чизе мефора пушидангири барои чи бо дағ даға меге мо давлате (демократи) кани ҳамон да русия аврупо касе чизе мехоҳа пушидан мегира

Ҷавоб диҳед Иқтибос Шикоят

олими

Бас аст дар бораи либосу либоспуши бахс кардан, Точикистон чумхурии демократи эълон шудааст ва касе,ки чи либосе мепушад пушидан гирад, хуб мешуд,ки хукумат ба иктисодиёт бисёртар ахамият медод ва мардумро бо чойхои кори таъмин мекард

Ҷавоб диҳед Иқтибос Шикоят

Эзоҳ илова кунед