20 июл 2017 10:38Тоҷикистон / Иқтисодӣ / Рӯ ба рӯ / Тема дня

Вазир: Зӯри буҷа барои кӯмак ба бонкдорҳои бекормонда намерасад

Вазорати меҳнат, муҳоҷират ва шуғли аҳолии Тоҷикистон теъдоди кормандонеро, ки дар пайи буҳрон аз ҷои кор ихтисор шудаанд, ҳудуди 8 ҳазор нафар гуфт.

Сумангул Тағойзода, вазири меҳнат, муҳоҷират ва шуғли аҳолии Тоҷикистон имрӯз, 20-уми июл зимни нишасти матбуотӣ гуфт, махсусан соли гузашта ихтисори кормандони бонкҳо ва ташкилотҳои хориҷӣ зиёд буд: “Имсол камтар шудааст”.

Бар асоси қонунгузории Тоҷикистон давлат уҳдадор аст, дар моҳҳои аввал ба кормандони ихтисоршуда аз ҷои кор кӯмакпулӣ ироа кунад. Аммо Тағойзода мегӯяд, кормандони ихтисоршудаи бонку ташкилотҳои хориҷӣ маоши баланд мегирифтанд ва зӯри буҷа барои пардохти кӯмакпулӣ ба онҳо намерасад: “Шикоятҳо дар ин маврид зиёданд”.

Бобохон Баротзода, директори Агентии меҳнат ва шуғли аҳолӣ шарҳ дод, ки кӯмакпулӣ бояд давоми се моҳ ба шаҳрвандоне дода шавад, ки аз ҷои кор ихтисор шудаанд: “Моҳи аввал 50 фоизи маош, моҳи дуюм 40 дарсад ва моҳи сеюм 30 дарсади маош пардохта мешавад. Дар ин муддат мо ба шаҳрвандони бекормонда, ду ҷои корро пешниҳод мекунем, вақте ӯ рад мекунад, аз рӯйхати кӯмакгирандаҳо лағв мешавад”.

Вазири меҳнат, муҳоҷират ва шуғли аҳолӣ гуфт, довталабони гирифтани мақоми бекорӣ зиёданд, аммо буҷет имконият намедиҳад, ки ҳамаро ба қайд гирему кӯмакпулӣ диҳем: “Ин барномаи сирф иҷтимоӣ аст ва бештар ба ҷавононе, ки аз хидмати ҳарбӣ ҷавоб дода шудаанд, озодшудаҳо аз маҳбас бартарӣ дода мешавад”.

Тибқи иттилои Вазорат то ҳол 5047 нафар аз кӯмакпулӣ барои бекорӣ бархӯрдор шудаанд ва ният доранд, ки теъдоди кӯмакгирандаҳоро дар соли равон ба 6257 нафар расонанд.

Мӯҳр

Хабарҳои монанд:

Тоҷик

Барои чи намерасад вақте ки онҳо маоши бисёр мегирифтанд пас ба фонди ҳифзи иҷтимли 25% ва 1% маблағҳои зиёд мерафт бояд аз ҳамон ҳисоб пардохт кунанд. қонун ҳам дар такя ба ҳамин маблағҳо таҳия шуда буд.

Ҷавоб диҳед Иқтибос Шикоят

Тамошобини цирк

Яьне Шумо мухтарам вазир гуфтани хастед, ки чумхури дар чараени ДЕФОЛТ карор дорад? Ин хел ки бощад, тамоман шароит безеб ку. Озодагон ташаккур

Ҷавоб диҳед Иқтибос Шикоят

Барзу

Шумо дар кадом асос ба тамоми чумхури эълон мекунед, ки афзалиятро ба "чавонони аз хидмати харби чавоб шуда ... ва озодшудахо аз махбас" медихед? Ана акнун моддаи 35 Конститутсияро мехонем: "ХАР КАС .....БА ХИМОИЯИ ИЧТИМОИ ХАНГОМИ БЕКОРИ ХУКУК ДОРАД". Ин меъёр барои ки амал мекунад? Аввалан барои шумо хамчун намояндахои хокимияти ичроия, ки дар таъимини он вазифадор хастед. Проблемаи бучет хам камбудии кори Хукумат аст. Пас, мардум чи гунох дорад? Хубтараш дар очизии худ икрор шавед

Ҷавоб диҳед Иқтибос Шикоят

Эзоҳ илова кунед