Сатҳи таваррум дар 11 моҳ ба 9,1 фоиз расидааст

Бино ба маълумоти Бонки миллии Тоҷикистон, таваррум чун яке аз нишондиҳандаи муҳими макроиқисодӣ моҳи гузашта ҷараёни муътадилшавии худро идома дод. Тавре аз маълумоти расмии агентии омори назди президенти мамлакат бармеояд, моҳи ноябр сатҳи таваррум ҳамагӣ 0,2 фоиз баланд шуда, дар 11 моҳи соли равон ба 9,1 фоиз расидааст. Сатҳи таваррум дар 12 моҳи охир бошад, 10,1 фоизро ташкил дод. Гуфта мешавад, меъёри бозтамвили Бонки миллии Тоҷикистон дар интиҳои давраи мазкур 10,0 дар садро ташкил дода, ба ҳисоби миёна ба 9,01 фоизи солона баробар шуд.