12 июл 2017 17:13Тоҷикистон / Иҷтимоӣ / Дидгоҳи хос / Тема дня

Масъули Кумитаи дин дар бораи пешниҳоди танзими “чилу сол” ва идгардак

Кумитаи дини Тоҷикистон пешниҳод кардааст, ҳангоми тағйирот ба қонун “Дар бораи танзими анъана ва ҷашну маросимҳои миллӣ” маъракаҳои чилу сол, ҷиҳози арӯсӣ ва идгардак ба тартиб дароварда шавад.

Азизуллоҳ Мирзозода, муовини раиси Кумитаи дин мегӯяд, онҳо ҳамчунин хостори бештар кардани ваколатҳои ин ниҳод ҳастанд, зеро ба гуфтаи ӯ, “дар баъзе ҳолатҳо дастамон кутоҳӣ мекунад. Аз ҷумла дар бораи мансабдорону соҳибкорон”.

Мирзозода имрӯз, 12 июл дар нишасти хабарии Кумитаи дин дар бораи пешниҳод барои танзими маъракаҳои азодорӣ, монанди чил ва сол гуфт: “Дар ин масъалаҳо мушкилиҳо доштем ва дар аксар ҳолатҳо риоя намешуд. Дар ин ҳолат гуноҳи соҳибмаърака ҳам набуд. Пешниҳод ҳаст, ки миқдори нафарони даъватшуда дар ин маъракаҳо зиёд карда шавад, ва ё чилу сол бо ширинӣ ва чой ва ё танҳо бо дуо ва фотиҳа гузаронида шавад”.

Вай гуфт, ҷиҳози арӯсӣ зиёд шудааст ва бештари вақт он якҷониба, аст, яъне вазнинӣ ба як ҷониби тӯйкунанда мешавад: “Дар ҳақиқат мушкил аст, вақте як хонаро дар ихтиёри волидони арӯс медиҳему мегӯем, инро пур кунед, мо омада қабул мекунем. Ин аз рӯи инсофу адолат нест. Бинобар ин, ба шакли ягон низомнома ё ҳуҷҷате бояд тартиб диҳем, то ин масъалаҳо ба низом дароварда шаванд”.

Муовини раиси Кумитаи дини Тоҷикистон дар идома афзуд, дар пешниҳоди онҳо танзими идгардак низ ҳаст: “Ҳадафи аслӣ манъ кардани он нест, балки ба тартиб даровардан аст. Пешниҳоди мо ин аст, ки кӯдакон на дар соати чори субҳ, балки баъди адои намоз ба идгардак бароянд. Ба мардум расонида тавонем, ки шумо мунтазир шавед, намози идро баргузор кунанд, баъд шумо ба идгардак бароед. Бигзор як чанд соат бачаҳо идгардак кунанд, баъди он мардон ва пас аз он занҳо идгардак кунанд. Идгардак дар як муддати муайян ҷамбаст шавад”.

Мӯҳр

Хабарҳои монанд:

Somoni

...Вай гуфт, ҷиҳози арӯсӣ зиёд шудааст ва бештари вақт он якҷониба, аст, яъне вазнинӣ ба як ҷониби тӯйкунанда мешавад: “Дар ҳақиқат мушкил аст, вақте як хонаро дар ихтиёри волидони арӯс медиҳему мегӯем, инро пур кунед, мо омада қабул мекунем. Ин аз рӯи инсофу адолат нест.

Hamshira kharji motami bobo az oni tu ........

Ҷавоб диҳед Иқтибос Шикоят

Нек

фикрхои бехтарин ай соати 4 так так мекунанд хеч кас дарашонро намекушояд бад зик мешаванд бади намози ид хама дархояшонро кушоянду аз намоз биеянд бад идгардаки кунанд ва ноумед намешаванд

Ҷавоб диҳед Иқтибос Шикоят

Юсуф

Идгардаки кӯдакон аз соати 4 субҳ сар намешавад. Ин дар ҳаққи онҳо тӯҳмат аст. Онҳо тахминан аз соати 6 саҳар гашту гард мекунанд. Онҳо барои чиз намегарданд, ин барояшон як ҳавасак аст. Фикр мекунед одамон ба онҳо чизи бисёр медиҳанд? Ҳоло ҳама як донаги сақичак-жвачка медиҳад. Аз оне ки онҳо пастсифатанд, кӯдакҳо онҳоро пас аз анҷоми идгардак ба сатили партовҳо меандозанд. Насли калонсолон, ки ҳоло бобову бибианд, як бор ба ёд биоранд, ки дар идгардак ба онҳо чи медоданд? Тухму кулчаву ҳалвову ширинӣ. Магар он замон кӯдакон ин тавр намегуфтанд: "Иди нав муборак! Як тухмаки ҳаворак. Кулча, ҳалво тайёрак!" Ба мардум чӣ шудааст, ки ҳатто ба ҳамин идгардаки тифлакон ҳам кордор шудаанд. Ҳафи умру зиндагӣ....

Ҷавоб диҳед Иқтибос Шикоят

alim

Вақте соати идгардакро муаян кунанд барои кудакор барои учасковиҳову коркунони танзим даромади нав мешавад , дигар чизе беш нест агар пеш таом фақат барои маҳалла медоданд ҳозир барои коркунони танзимҳам як карсон мефиристанд .....
Инҳо ҳама ба манфаати коркунони танзим на барои мардуми оди

Ҷавоб диҳед Иқтибос Шикоят

Раджаб

Як пешниходи бесаводона кардаед бародар.

Ҷавоб диҳед Иқтибос Шикоят

alim

Пешниҳоди босаводонаи худро гуед , барои мо ҷои кор лозим на чи гуна таом хурдану дар ҳоҷатхона чи гуна қазои ҳоҷат кардан қонунҳое бароранд , ки аз ҳуқуқи мо ҳимоят кунанд , бародари мусалмон мо дар русия кор мекунем ягон ҳуқуқ надорем патент дорем дастгир карда депорт мекунанд масхара мекунанд бояд қонунҳоеро қабул кард , ки шароити кориро хуб кард .
Як мисол пеш аз қонуни танзим шахси маракадор фақат барои мардум марака медод дигар хароҷоти ҷониби набуд ҳоло ба раиси маҳалла чизе медиҳи инҳоро ман валлоҳи дидам раиси танзими ҷамоатро пул медиҳи , учаскови омада ягон айбата мекова пул мегира ҳамаи инҳоро ман аз ҳаво намегуям...........
Дигар худат фикр кун аз дар ҳақиқат ҳақиқатҷу боши

Ҷавоб диҳед Иқтибос Шикоят

amu

кароче да точикистон факат соли нав мемонаву истиклолият

Ҷавоб диҳед Иқтибос Шикоят

Эзоҳ илова кунед