ТАЛКО дар талоши беҳбудӣ ба тиллокорӣ рӯй овард
Мурод Хол, сардори Саридораи геологияи Тоҷикистон имрӯз, 11-уми июл дар посух ба суоли “Озодагон” тасдиқ кард, ки ҳукумати Тоҷикистон бо қарори махсус конҳои тилло дар ноҳияи Айниро дар ихтиёти ТАЛКО гузоштааст: “Ҳадаф аз он беҳтар кардани вазъи иқтисодию молиявии ТАЛКО мебошад. Мо тамоми корҳои геологиро дар конҳои мазкур анҷом дода, натиҷаашонро дар ихтиёри ТАЛКО гузоштем”.
Ба гуфтаи Мурод Хол, корҳои минбаъда дар конҳои мазкур, ки тилло, сурб ва нуқраро доранд, дар салоҳияти ТАЛКО ва Вазорати саноат ва технологияи нав мебошад.
Қаблан, манобеи “Озодагон” гуфта буданд, ки Ҳукумати Тоҷикистон моҳи апрели соли равон ба “ТАЛКО” иҷозат дод, то бо ҷалби сармояи хориҷӣ, дар заминаи амволи шаҳраки геологии “Кончоч”-и ноҳияи Айнӣ ҷамъияти саҳҳомии шаклаш пӯшидаи “Талко Голд”-ро таъсис диҳад. “Талко Голд” инчунин иҷозат гирифт, ки давоми 25 сол дар конҳои Кончочу Чӯлбоии ноҳияи Айнӣ кор кунад. Ҳукумати Тоҷикистон инчунин розӣ шудааст, ки “ТАЛКО” барои ҷалби сармояи хориҷӣ то 50 дарсади саҳмияҳои “Талко Голд”-ро дар ихтиёри маблағгузорони хориҷӣ гузорад ва инчунин аз бархе сабукиҳои молиявӣ низ бархӯрдор шавад.
Ҳукумати Тоҷикистон муқаррар карда буд, шаҳраки геологии Кончоч ва 10 гектари дигар дар маҳаллаи Чуянгарон ва Бахшикунҷи ноҳияи Айнӣ барои бунёди майдончаи саноатӣ ба ТАЛКО дода шавад.
Конҳои Кончоч сурб, нуқра ва тиллоро дар бар гирифта, қаблан аз ҷониби ҳукумат барои истихроҷ пешкаши сармоягузорон шуда буд.
Ҳакими Даврон Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Апрел 2025 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | 6 | |
| 7 | 8 | 9 | 10 | 11 | 12 | 13 |
| 14 | 15 | 16 | 17 | 18 | 19 | 20 |
| 21 | 22 | 23 | 24 | 25 | 26 | 27 |
| 28 | 29 | 30 | ||||
