08 июл 2017 13:04Тоҷикистон / Дин ва зиндагӣ / Рӯ ба рӯ

Усмонов: Дин дар Афғонистон наметавонад созандаи сулҳ бошад

Профессор Иброҳим Усмонов муътақид аст, ки дин ҳамчун нерӯи созандаи сулҳ дар Афғонистон ба кор намеравад.

Усмонов зимни маҳфили “Гуфтугӯи тамаддунҳо” дар бораи вазъи Афғонистон гуфт, дин ва миллат ду қувваи созандаи ҷанг ва ду қувваи созандаи сулҳ мебошанд: “Имрӯз дин дар Афғонистон қувваи созандаи сулҳ шуда наметавонад. Ҳамаи қувваҳои сиёсие, ки дар Афғонистон буду ҳаст ба даъвои дин буданд, яъне дар муқобили ин қувва, қувваи меистодагии дигар нест, вуҷуд надорад”.

Ба бовари Усмонов қувваи созандаи сулҳи Афғонистон имрӯз метавонад миллат бошад: “Такя ба миллат ба миллият ё қавмҳои Афғонистон аст”.

Ӯ мушкили барқрории сулҳро дар он гуфт, ки ҳануз мардуми Афғонистон муайян накардаанд, ки чӣ мехоҳанд: “Як гуруҳ имрӯз як чиз ва ҳамин гуруҳ фардо чизи дигар мехоҳад. Чунки мушаххассоти хоҳишҳои миллӣ ба вуҷуд наомадааст. Инро ташаккул додан лозим аст. Ин аввалин коре ки барои сулҳи Афғонистон кардан лозим аст. Дар Афғонистон ҳануз гуфтушунид ба кор намеравад , зеро маълум нест, ки кӣ бо кӣ гуфтушунид кунад ва бояд инро низ мушаххас кард”.

Усмонов афзуд, ҳеч давлат танҳо ба сари худ мустақил шуда наметавонад: “Як қувваи такягоҳе лозим аст. Ниҳоле, ки шинондем агар шахси обдиҳанда набошад, он ниҳол сабз намешавад. Агар сулҳе, ки кардан мехоҳанд, шахси парастор ва ё гуруҳи парастор надошта бошад, намешавад. Инро ҳам ёфтанашон лозим аст, муайян карданашон лозим аст ва он вақт дар бораи сулҳ гап меравад”.

Мӯҳр

Хабарҳои монанд:

Шоди

Профессори мухтарам! Иллати чанги Афгонистон хамин "Такя ба миллат, миллият ё қавм" аст. Ба кадом миллат ва кавм бояд онхо такя кунанд, дар сурате, ки садхо кавму миллатхо он чо даъвои сиёсату мансабу, чоху чалолу динну сарзамин мекунанд?. Ягона омили сулх дар Афгонистон ин Худотарси буда метавонад. Вакте имон комил мешаваду аз тарси Худо силохро як су мегузорию хама гуноху гунахкоронро барои ризогии Худованд мебахшию аз озори дигарон даст мебардори, ана он вакт сулх барпо хохад шуд. Ин омилхое, ки Шумо номбар кардед хоси Точикистон буда метавонанд, аммо Афгонистон ин кишвари дигар ва "суруду таронаи" дигар аст.

Ҷавоб диҳед Иқтибос Шикоят

Багром

Вақте дин натавонист пас миллат ва қавмият ҳечгоҳ наметавонад мушкилро ҳал кунад. Чунки мушкили асосии Афгонистон ҳамин қавмбозиву маҳалгароист. Мушкили Афгонистон дасти хориҷӣ ва фитнаи онҳост. Аммо ҳамин мушкили қавмӣ рӯи он оташи сӯзон шуд. Мисле, ки имруз дар кишари мо ҳам масалаи қавму маҳал балои ҷони миллат ва садди роҳи давлатсозӣ шудааст. Ва таҳлилгарони мо ҳам дурӯғгу.

Ҷавоб диҳед Иқтибос Шикоят

Мурод

Як бор милат меги Як бори дигар меги ин милат намедонад чи мехохад Хуласи гап намедони чи меги мухтарам Усмонов

Ҷавоб диҳед Иқтибос Шикоят

Алиомер

Ягона роҳи таъмини сулҳу субот дар ҳар ҷомиеъ хусусан Авғонистон дин аст...маълум аст, ки бе амни дар кишвпри ҳамсоя ин дахолати хориҷиҳо аст агар ҳамун мардуми бечораро ба холи худ гузоран ҳама обод мешавад вале мутаасифона... бегумон онҷо шахсоне ҳастанд, ки ба хотири манфиъатҳои шахсию зотӣ дар доми душман гирифтор шуда фикри мардуму миллати бечораи худро накарда сабаби ноамни мешаванд. Аммо бечора дин чи айб дорад??! Бале агар динро ба як танзиму тартиб дароварда назорат накунем сабаби ноамни мешавад хусусан бе мазҳабӣ...

Ҷавоб диҳед Иқтибос Шикоят

фаридун

Дин нагуед, "диндорон" наметавонанд. Истиллооххоро дуруст ба кор бибаред мухтарам Профессор.

Ҷавоб диҳед Иқтибос Шикоят

Барзу

Не, мухтарам чаноби профессор. Шумо иштибох карда истодаед. Дар Афгонистон миллати тахчоии муттахидкунанда нест, чунки афгон гуфтаги миилат нест. Он чо миллатхои мухталиф ва гуруххои этники зист доранд. Ягона рохи халли муаммои афгонхо ин федерализатсияи сохти давлати ва гузариш ба модели олмони мебошад. Хар чи тезтар онхо ин заруратро дарк кунанд ва фанатикхои худро ба ин кор моил созанд, хамон кадар бахташон омад мекунанд....

Ҷавоб диҳед Иқтибос Шикоят

саттор

мухтарам профессор вакте шинохти кофи ва лозимиро дар бораи афгонистон надоред суханони по дархаво нагуед.
шумо як бор натарсида лаби марзи Афгонистон раведу мардум ва вазъияти ичтимоиву сиёси ва иктисодиву динии кишвари хамсояро омузед. вакте чомеаеро намешиносед илтимос сухан нагуед, ки ана мисли хамин суханони носанчидаатон унвони профессориатон зери суол бурда мешавад. наход, ки профессори мо то хамин андоза аз кишвари хамсоя маълумот дошта бошад.

Ҷавоб диҳед Иқтибос Шикоят

ппппп

надониставу нафахмида Усмоновро нодуруст нагуед дустон. Шумо дар як чо нишаста чи медонед, ки сабабгори ин чанг дар чист?

Ҷавоб диҳед Иқтибос Шикоят

Эзоҳ илова кунед