05 июл 2017 11:54Тоҷикистон / Сиёсат / Дидгоҳи хос / Тема дня

"Задухӯрди мақомот бо наздикони Ҳалимов 4 кушта барҷой гузошт"

Дар пайи як задухӯрд бо мақомоти интизомӣ дар деҳаи Ибрати ҷамоати Тугаракаи ноҳияи Восеъ чаҳор нафар аз наздикони Гулмурод Ҳалимов, собиқ фармондеҳи “ОМОН”-и Тоҷикистон кушта ва се нафари дигар боздошт шудаанд. Дар ин бора як манбаи "Озодагон" аз мақомоти ҳифзи ҳуқуқ хабар дод.

Ба гуфтаи ӯ, кушташудаҳо амакбачаю тағозодаҳои Ҳалимов мебошанд: "Дар маҷмуъ 7 нафар буданд, ки ҳангоми амалиёти боздошт муқобилияти мусаллаҳона нишон додаанд. Як корманди милисаро захмӣ карданд, ки айни ҳол дар беморхона қарор дорад. Амалиётро масъулини мақомот, ки аз шаҳри Душанбе омадаанд, гузаронданд. Се нафар аз наздикони Ҳалимов боздошт гардиданд".

Мусоҳиби "Озоодагон" афзуд, наздикони Ҳалимов мехостаанд ба Афғонистон фирор намоянд, аммо мақомот аз қасди онҳо огоҳ шудаанд. Сокинони маҳаллӣ мегӯянд, тирпаронӣ соати 19-20 рух дода, ҳудуди 15 дақиқа давом кард. Дар пайи ин ҳодиса Анвар Ҳусейнов, муовини сардори Шӯъбаи кофтукови ҷиноии РКД дар Душанбе ҳам ҷароҳат бардошта, ҳоло дар беморхонаи марказии ноҳияи Восеъ бистарӣ аст. Сарахон Хуҷаёров, муовини сардухтури беморхонаи марказии ноҳияи Восеъ дар суҳбат ба “Озодагон” гуфт, баъди ба беморхона мунтақил шуданиҲусейнов фавран ӯро ҷарроҳӣ кардаанд: “Айни ҳол ӯ дар шӯъбаи эҳё қарор дошта, саломатиаш дар чанд рӯзи оянда хуб хоҳад гашт”.

Ҳафтаи гузашта бародарзодаи Гулмурод Ҳалимов аз Ҷумҳурии Адигеяи Русия ба Тоҷикистон истирдод шуд. Инчунин ҳоло додгоҳ парвандаи Беҳрузи Гулмурод, писари 18-солаи ӯро баррасӣ мекунад. Беҳрӯзро мақомот барои қасди пайвастан ба гурӯҳи тундрави "Давлати исломӣ" муттаҳам медонанд.

Мӯҳр

Хабарҳои монанд:

Юсуф

Ин чӣ бало аст? Дар асри 21 одамҳо девона шуда истодаанд? Ин ба ҷои хонда, донишу соҳиби касбу кор шудан. Наход халқи тоҷик ба ин дараҷа хурофотӣ шуда бошад?
Зимнан, нақли дӯстам ба ёдам омад, ки ҳанӯз замони собиқ Шӯравӣ шунида будам. Он замон донишҷӯёнро тобистон ба ҳар тараф барои кор мебурданд. Ин гуна гурӯҳҳои кории донишҷӯёнро ССО мегуфтанд. Бо рӯсӣ Студенческий строительный отряд. Хулласи калом, як гурӯҳ донишҷӯёни тоҷик дар Қазоқистон фаолият мекардаанд. Рӯзе дар он маҳал касе аз мардуми он ҷо, як марди қазоқ, мемурад. Қазоқҳо, ки шояд он замон мулло надоштаанд, ба чор атроф даву тоз карда, барои ҷаноза хондан, мулло меҷӯянд. Ниҳоят, онҳо ба назди донишҷӯёни тоҷик меоянд, ки рафта, мурдаашонро ҷаноза хонанд. Вақте донишҷӯён мегӯянд, ки ҷанозаро мулло мехонад, онҳо мулло нестанд, вале қазоқҳо ҳеч бовар намекунанд. Онҳо ба ҳайрат зада гуфта бошанд: "теҷик булб, мулда булбайдӣ?" Яъне инки "Чӣ тавр? Тоҷик мешавию, мулло намешавӣ? Бин ба маълумоти онҳо, дини ислом дар байни тоҷикҳо чунон сахт аст, ки ҳамаи тоҷикҳо муллоанд. Ин ҳанӯз дар даврони СССР буд! Акнун тасаввур кунед, ки вазъият ҳоло чӣ гуна бошад? Беҳтараш, ки тасаввур накунем...

Ҷавоб диҳед Иқтибос Шикоят

Мурод

Муло ба точик чи дахл дорад наклои бофтаатро як тараф мон бародар ин мавзуи ифротист ту боши муло меги

Ҷавоб диҳед Иқтибос Шикоят

сода

Ай зиндаги безор шидан,чи бало.

Ҷавоб диҳед Иқтибос Шикоят

Эзоҳ илова кунед