Беш аз 55 миллион сомонӣ барои таъмири роҳҳои Суғд дар соли 2017

Соли равон дар шимоли Тоҷикистон таъмири 2 ҳазору 260 кмилометр роҳ ба нақша гирифта шудааст. Барои ин аз буҷаи вилоят ихтисоси беш аз 55 миллион сомонӣ дар назар аст.
Аз дафтари матбуоти раиси вилоят ба хабаргузории “Озодагон” гуфтанд, соли 2017 дар шимоли ҷумҳурӣ таъмири 2260,6 км роҳ ба нақша гирифта шуда, аз он беш аз 98 км пурра мумфарш, 1076,44 км таъмири ҷорӣ ва дар 1085,98 км корҳои шағалпӯшкунӣ дар назар дошта шудааст. Ба иттилои Олимҷон Очилзода, мудири шӯъбаи нақлиёт ва коммуникатсияи ҳукумати вилояти Суғд, дарозии умумии роҳҳои мошингард дар қаламрави вилоят 8130,5 км буда, аз он 439,3 км роҳҳои аҳамияти байналмилалӣ, 389,3 км ҷумҳуриявӣ, 2343,2 км маҳаллӣ, 3171,8 км роҳҳои истифодаи умум ва 1786,9 км байнихоҷагӣ мебошад: “Дар соли 2017 тибқи Барномаи вилоятӣ ҷиҳати таъмиру ободонии роҳҳои Суғд, аз буҷаи вилоят беш аз 55 миллиону 700 ҳазор сомонӣ маблағ пешбинӣ шудааст”.
Дар ҳамин ҳол, дафтари матбуоти раиси вилоят меафзояд, то ин дам, дар маҷмӯъ 12,3 км роҳ пурра мумфарш, 276,26 км таъмири ҷорӣ ва 410,2 км шағалпӯш шудааст.
Мӯҳр
ТАҚВИМ
« Апрел 2025 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 | 6 |
7 | 8 | 9 | 10 | 11 | 12 | 13 |
14 | 15 | 16 | 17 | 18 | 19 | 20 |
21 | 22 | 23 | 24 | 25 | 26 | 27 |
28 | 29 | 30 | |