07 июн 2017 12:47Тоҷикистон / Иҷтимоӣ / Тема дня

Вазорат: Ягон ҳолати баргузор кардани Занги камолот сабт нашудааст

Масъулини Вазорати маориф ва илми Тоҷикистон мегӯянд, ягон ҳолати саркашӣ аз иҷрои фармони вазир дар бораи манъи Занги камолот сабт нашудаст.

Эҳсони Хушбахт, сухангӯи Вазорати маориф ва илми Тоҷикистон имрӯз, 7 июн дар суҳбат бо “Озодагон” гуфт, кормандони вазорат дар ҳолати омодабош қарор дошта, дар ҳолати расидани шикоятҳо санҷиш мегузаронанд: “Дар макотиб тибқи ҷадвали дарсие, ки дар муаасисаҳои таълимӣ ҳаст, дарс рафта истодааст”.

Ба гуфтаи ӯ, аммо баъзе шикоятҳо дар мавриди манъи гирифтани “винетка” барои хатмкунандагони синфҳои 11 ворид шудаанд: “Мо инро манъ накардаем, танҳо гузаронидани Занги камолот, ки ҷамъоварии маблағҳои зиёдро дар бар мегирифт, манъ шудааст”.

Бар асоси омори расмӣ соли равон дар қаламрави Тоҷикистон 124 ҳазору 44 нафар мактаби миёнаро хатм мекунанд. Соли дуюм аст, ки дар Тоҷикистон, 7 июн соли таҳсил бидуни садо додани Занги камолот анҷом меёбад.

Вазорати маориф ва илми Тоҷикистон бо қабули як қарор “Занги камолот”, “Иди Алифбо” ва чорабинии “Хайр, боғча!”-ро дар муассисаҳои таълимии кишвар манъ намуд. Ҳадаф аз ин қарор “амалисозии қонун “Дар бораи танзими анъана ва ҷашну маросимҳо” унвон шудааст. Вазорат ҳушдор додааст, “дар сурати риоя нашудан нисбати роҳбарони муассисаҳои таълимӣ, омӯзгорону мураббияҳо бар асоси Кодекси меҳнат муҷозоти меҳнатӣ таъин мегардад”.

Зимнан, сардорони раёсатҳои маорифи Вилоятҳои Мухтори Кӯҳистони Бадахшон, Суғду Хатлон, шаҳри Душанбе, мудирони шуъбаҳои маорифи шаҳру ноҳияҳои тобеи ҷумҳурӣ, роҳбарони муассисаҳои таълимии ҷумҳуриявӣ муваззаф шудаанд, иҷрои қарори мазкурро таъмин ва риояи онро зери назорати ҷиддӣ бигиранд.

Соле қабл Нуриддин Саид, вазири маориф ва илми Тоҷикистон таҷлили “Занги камолот” барои хатмкунандагони синфҳои 9 ва 11-ро дар тамоми макотиби миёнаи кишвар манъ кард. Бо қарори имзонамудаи Нуриддин Саид, 7 июн дар муассисаҳои таҳсилоти умумӣ машғулиятҳо тибқи ҷадвали дарсҳо ба роҳ монда мешаванд: “Ба директорони муассисаҳои таҳсилоти умумӣ, сарфи назар аз шакли ташкилию ҳуқуқӣ ва тобеияташон супориш дода шавад, ки аз ҳисоби омӯзгорони ботаҷриба гурӯҳи корӣ таъсис дода, ҷиҳати ба хонандагон ва падару модарон фаҳмонидани моҳияти қарори мазкур ва мактубҳои дастурии вазири маориф ва илми Тоҷикистон тадбирҳои амалӣ андешанд”.

Мӯҳр

Хабарҳои монанд:

Точик

Абсурд! Кудакони бечора наход сазовори як тантанаву табрик дар дохили мактаб набошанд!!!??

Ҷавоб диҳед Иқтибос Шикоят

СССР

Дошли до Феодализма....

Ҷавоб диҳед Иқтибос Шикоят

Беном

Рахмат бар падаратон, Вазири Маориф! Камтар нафаси озод кашидем. Хар гуна суханхои кабеху зидро онхое менависанд, ки як фарзанд доранду маблагхои худро намедонанд чи гуна сарф кунанд. Мо, ки мардуми одди хастему 3-4 фарзанди мактабхон дорем ва бо маоши ночиз зиндаги мекунем, аз ин икдоми пешгирифтани Шумо хеле хурсандем. Агар илочаш бошад, пулгирии мохонаи муаллимонро низ пеши рохашро мегирифтед, нуран ало нур мешуд.

Ҷавоб диҳед Иқтибос Шикоят

Нисо

Мои дети закончили школу в Москве,не было ни каких выпускных..самим детям это не интересно и старомодно выглядет. эти деньги многие старшеклассники желают тратить на благотворительность.

Ҷавоб диҳед Иқтибос Шикоят

Эзоҳ илова кунед