25 май 2017 14:56Тоҷикистон / Иқтисодӣ

Раиси бозори “Деҳқон”: Намегузорем дар Рамазон қимматфурӯшӣ кунанд (АКС)

Зиёвиддин Наҷмиддинов, раиси бозори “Деҳқон” мегӯяд, имсол дар моҳи Рамазон иҷозат нахоҳанд дод, ки тоҷирон нархи маҳсулотро тариқи сунъӣ боло баранд.

Наҷмиддинов имрӯз, 25-уми май дар ҳошияи боздиди гуруҳи хабарнигорон аз бозори “Деҳқон”, дар суҳбат бо “Озодагон” гуфт, барои ҷилавгирӣ аз болоравии нархҳо дар моҳи Рамазон феълан бо беш аз 200 хоҷагии деҳқонӣ аз Хатлон, Суғд ва навоҳии тобеи марказ дар мавриди таъмини маҳсулот шартнома бастаанд.

Ӯ гуфт барои қимат нашудани нархҳо, аз фонди бозор, ки феълан 60 ҳазор сомонӣ аст, истифода хоҳанд кард. Наҷмиддинов илова намуд, ки нархномаи 12 намуди маҳсулоти ниёзи аввалро пешниҳод кардаанд, ки дар қиёс бо нархҳои моҳҳои пешӣ то 20-25 фоиз арзонтар мебошад. Ба гуфтаи раиси бозори "Деҳқон" вобаста ба сифат орди навъи 1 аз 150-170 сомонӣ, биринҷ аз 5 то 12 сомонӣ, картошка аз 2 то 4 сомон, пиёз аз 1 то 2 сомонӣ, сабзӣ аз 2 то 2,5 сомонӣ, гӯшти гов аз 30 то 36 сомонӣ, гӯшти гӯсфанд аз 35 то 36 сомонӣ, помидор аз 2,5 то 6 сомонӣ, бодиринг аз 1,5 то 2,5 сомонӣ фурӯхта хоҳад шуд.

Ӯ таъкид намуд, ки давоми моҳи шарифи Рамазон тоҷиронро аз пардохти ҳаққи “чек” озод хоҳанд кард. Тоҷирони бозори мазкур андозро асоси гаронии нархҳо гуфта, афзуданд, ки агар ақаллан дар моҳи Рамазон андозро 10-20 фоиз сабук кунанд, имкон доранд, нархро боз поинтар баранд.

Абдумаҷид Ҳакимзода, сухангӯи шаҳрдории Душанбе, ки хабарнигоронро зимни ин боздид ҳамроҳӣ мекард, изҳор дошт, ки барои назорати нархҳо ва иҷрои қарори раиси шаҳри Душанбе дар бораи ғанигардонии бозори истеъмолии пойтахт комиссияи махсус ташкил шудааст.

Мӯҳр

Хабарҳои монанд:

Акмал

Ташакур ба чунин сохибкороне ки дар н мохи бузур дар мохи шарифи рамазон фикри халки мусалмонро мекунад. Лекин хастанд нафароне ки он дунеи худро фикр накарда барои маблаг шуда дар ин мохи бузург мохи гайр нархи молу махсулотро боло бурда халки мусалмонро дар холати ногувор карор медиханд.

Ҷавоб диҳед Иқтибос Шикоят

Мансур

Хаммаи ин як тараф. Имрузхо дар бозорхои мо нарху наво дар чи холат карор дорат? Дар омад омади мохи шараифи рамазон яке аз бозорхои яклухти бузурги Душанбе бо номи «Саид Халим» мебошад. Раиси ин бозор Саидов Шухрат ном ба ин мохи хайр нигох накарда бозорхои шахрамонро бо молхои нисбатан ба дигар рузхо кимат таъмин мекунад.

Ҷавоб диҳед Иқтибос Шикоят

бе ном

да бозори дехкон киматияй

Ҷавоб диҳед Иқтибос Шикоят

беном

Дар бозири деҳқон ҳама чиз қиммат нархи памидо аз 7 соиони боло

Ҷавоб диҳед Иқтибос Шикоят

Эзоҳ илова кунед