15 май 2017 17:28Тоҷикистон / Иқтисодӣ / Рӯ ба рӯ / Тема дня

Арзонии манзил. Душанбе пешқадам аст

Нархи манзил дар Душанбе нисбат ба пойтахтҳои кишварҳои дигари Осиёи Марказӣ ва Русия аз арзонтаринҳо будааст.

Торнамои ENT.TJ навиштааст, арзиши як метри мураббаъ манзил дар Душанбе аз 472 то 868 долларро ташкил медиҳад. Ин рақам дар қиёс ба пойтахтҳои кишварҳои Осиёи Марказӣ хеле арзон мебошад. Ба иттилои манбаъ, соли 2016 дар Тоҷикистон 1220,3 метри мураббаъ манзил сохта шуд, ки назар ба соли 2015 -- 1,4 дарсад зиёд аст ва бештар он дар пойтахт бунёд шудааст.

Манбаъ мегӯяд, дар давраи пеш аз буҳрон сохтмони манзилҳо дар ҳоли рушд буд, аммо бо далели буҳрони солҳои охир ва кам гаштани талабот бунёди сохтмонҳо дар Тоҷикистон коҳиш ёфтааст.

Дар ин сомона нархи манзил дар пойтахтҳои кишварҳои дигари Осиёи Марказӣ ва Русия низ оварда шудааст. Бишкек (Қирғизистон) аз 550 то 1500 доллар барои як метри мураббаъ; Тошканд (Узбакистон) аз 791 то 1800 доллар; Алма-Ато (Қазоқистон) аз 1195 то 1927 доллар; Остона (Қазоқистон) аз 1120 то 1877 доллар; Ишқобод (Туркманистон) аз 1500 то 2750 доллар ва Маскав (Русия) аз 2785 то 3034 доллар барои як метри мураббаъ.

Мӯҳр

Хабарҳои монанд:

Нозим

Охир дар дигар давлатхо маоши кормандон хам баланд аст охир. Масалан, дар Точикистон маоши аз хама камро рубанда 200 сомони гирад ва ба он 4 кг гушт бихарад, дар дигар давлатхо рубандахо ба маошашон 13-15 кг гушт медодааст. Инро тахлил кардаанд олимон.

Ҷавоб диҳед Иқтибос Шикоят

Самандар

Хонаро ки арзон не бепулхам ки дихан кор набоша зиндаги кардан намешавад ку.

Ҷавоб диҳед Иқтибос Шикоят

Олим

Чаро дар бораи аз хама кам будани маош сухан намегуед.Нархи хона аз маош вобастаги дорад.

Ҷавоб диҳед Иқтибос Шикоят

Юсуф

Сатҳи зиндагӣ чӣ? Чаро дар ин бора муқоиса намеоред? Як рафиқи ман дар Академияи улуми Тҷ мудири шуъба буда, 1200 сомонӣ маош мегирад. Бо ин маош ӯ агар нахӯраду напӯшад, шояд пас аз 50 сол соҳиби он "арзонтарин хона" гардад!

Ҷавоб диҳед Иқтибос Шикоят

Сорбон

Аз барои Худо 50 дарсади хонахоро пулдорхо харида холй истодаанд. Ягон фисади онро ичора додаанд. Лекин одамоне, ки дар хакикат бесарпаноханд, имкон надоранд, ки акаллан якхонагй бихаранд. Хаму коррупсионер 32 хонаро чй мекунад? Бояд хамин хонахои холй тафтиш шавад

Ҷавоб диҳед Иқтибос Шикоят

Аъзам

Пеш аз он, ки нархи хонаро дар Точикистон арзон гуед, бояд нависед, ки дар дигар кишваро чи кадар маош мегиранду дар Точикистон чи кадар. Чаро маош ва кудрати харидории Точикистониёнро ба эътибор намегиред. Дар Казокистон чавонон бо 400-500 доллар кор намекунанд, дар Русия маоши 1000 доллараро кам дониста, ба Амрико коркуни мераванд. Дар Точикистон музди миёна бо маълумоти оли 650-700 сомони - муодиди 70-80 доллар асту бас. Наход, ки журналист, тахлилгар шуда, хамин хакикати оддиро надонед!

Ҷавоб диҳед Иқтибос Шикоят

Эзоҳ илова кунед