13 май 2017 12:21Тоҷикистон / Иҷтимоӣ / Тема дня

Эълони қатъи интиқоли об дар Душанбе: Захира кунед!

Шаҳрдории Душанбе мегӯяд, рӯзҳои 15,16, 17 ва 18-уми май интиқоли об дар бархе аз хиёбону маҳаллаҳои пойтахт муваққатан қатъ мешавад.

Тибқи иттилои дафтари матбуоти шаҳрдорӣ, аз соати 8:00 рӯзи 15 то соати 8:00 рӯзи 16 май дар ноҳияи Сино, хиёбонҳои Ҷ. Расулов, С. Шерозӣ, кӯчаҳои Маяковский, Шерализода, Абдуллобеков, шаҳракҳои 15, 15а ва 32 қатъ мегардад.

Манбаъ мегӯяд, инчунин аз соати 8:00-и рӯзи 17 то соати 8:00-и рӯзи 18 май интиқоли оби нӯшокӣ ба қисматҳои алоҳидаи маҳаллаҳои аҳолинишини ноҳияи Шоҳмансур, кӯчаҳои Пӯлодӣ, Истаравшан, Ҳусейнзода, Нарзиқулов, Академикҳо Раҷабовҳо, С. Айнӣ, Беҳзод, Н. Муҳаммад, академик А. Адҳамов, гузаргоҳи якуми кӯчаи М. Турсунзода ва ноҳияи Исмоили Сомонӣ, кӯчаҳои М. Турсунзода, Шоҳтемур, Пушкин, Теҳрон, Ш. Руставелӣ ва Бохтар қатъ мегардад.

Шаҳрдорӣ далели ин тасмимро дар пайваст намудани қубури 325 мм дар ин минтақаҳо унвон кард.

Масъулин аз сокинони кӯчаҳои мазкур даъват кардаанд, ки миқдори лозимии оби нӯшокиро барои 24 соат захира кунанд.

Рустами Эмомалӣ, раиси шаҳри Душанбе Салимзода Нусратулло, раиси ноҳияи Сино, Ҳакимзода Низом, раиси ноҳияи Шоҳмансур, Самӣ Шариф, раиси ноҳияи Исмоили Сомонӣ ва Убайдов, раҳбари Корхонаи воҳиди давлатии “Обу корези Душанбе”-ро муваззаф сохтааст, ки сокинони ин маҳаллаҳоро бо оби нушокӣ тавассути мошинҳои обкаш таъмин намоянд.

Мӯҳр

Хабарҳои монанд:

Юсуф

Нархи оби нӯшокиро ҳар сол боло мебаранд. Вале ҳануз ҳам об омехтаи гилу қуму дигар ифлосиҳо меояд. Як замоне оби Душанбе беҳтарин об буд. Ҳоло ноҷӯшонда нӯшидани ин об барои саломатӣ хатари ҷиддӣ дорад. Бо авҷ гирифтани истироҳатгоҳҳо қад-қади дарёи Варзоб тамоми фозилобу обҳои касифи бассейнҳо ба ҳамин дарё рехта мешаванд. Пас маълум аст, ки сокинони Душанбе чи гуна об менӯшанд!

Ҷавоб диҳед Иқтибос Шикоят

Беоб

Дар Испечак-2 Дах РУЗ шуд об нест!

Ҷавоб диҳед Иқтибос Шикоят

Эзоҳ илова кунед