05 май 2017 10:08Тоҷикистон / Иҷтимоӣ / Тема дня

Кӯмак ба иштирокчиёни ҶБВ: Президент 3 ҳазору Р.Эмомалӣ 1500 сомонӣ ҷудо кард

Эмомалӣ Раҳмон, раисиҷумҳури Тоҷикистон дар арафаи 9-уми май, Рӯзи Ғалаба, қарор кардааст, барои иштирокчиёни Ҷанги Бузурги Ватанӣ 3 ҳазор сомонӣ кӯмакпулӣ тақдим гардад. Рустами Эмомалӣ, шаҳрдори Душанбе низ барои расондани 1,5 ҳазор сомонӣ кӯмакпулӣ ба иштирокчиёни ҶБВ ва ҳамсарони афроди дар ин ҷанг ҳалокгардида супориш додааст.

Тибқи қарори шаҳрдорӣ ба соҳибони ордену медалҳои Иттиҳоди Ҷумҳуриҳои Шӯравии Сотсиалистӣ барои меҳнати фидокорона ё хизмати бенуқсони ҳарбӣ дар ақибгоҳ дар солҳои Ҷанги Бузурги Ватанӣ ва шахсоне, ки зиёда аз шаш моҳ дар ақибгоҳ кор кардаанд, маъюбони амалиётҳои ҷангӣ дар қаламрави давлатҳои дигар, маъюбони садамаи Нерӯгоҳи барқӣ - атомии Чернобил, оилаҳои шахсони ҳангоми ҳимояи сохти конститутсионӣ ҳалокгардида 800 сомонӣ кӯмакпулӣ расонда шавад.

Манбаъ афзуд, Рустами Эмомалӣ инчунин сарраёсати молияро муваззааф кардааст, барои омода намудани 9 адад гулчамбар 10 ҳазору 800 сомонӣ ҷудо намояд.

Муовинони шаҳрдори Душанбе вазифадор гардидаанд, ки ба маъюбони Ҷанги Бузурги Ватанӣ, ки дар шаҳри Душанбе истиқомат доранд, маблағро бевосита зимни аёдат супоранд: “Ба иштирокчиёни дигари Ҷанги Бузурги Ватанӣ кӯмакпулӣ дар чорабиниҳои тантанавӣ дода шаванд”.

Дар Тоҷикистон ҳамагӣ 449 иштирокчӣ ва маъюбони Ҷанги Бузурги Ватанӣ боқӣ мондаанд, ки аксари онҳо маълулу барҷомонда ва ниҳоят пиру хастаҳол шудаанд.

Мӯҳр

Хабарҳои монанд:

Ободкор

Ахсан ба шумо чаноби Оли ! 449,000$ хайру эхсон кардан ин нишонаи мардонагист ва шумо якбори дигар тасдик кардед ,ки шумо марди фарзонаи миллат хастед ! Чаноби Рустами Эмомали мо бо шумо хастем ва ояндаи миллат Иншоллох гулгуншукуфон мегардад ! Рахмат ба шумо , Рвхмат ба падару модарони шумо .Худованди Мутаол шуморо хифз кунад

Ҷавоб диҳед Иқтибос Шикоят

Хошок Талбакзода

Рафик Ободкор лагандбардори кори хуб нест. Ташаккур аз миллати точик аз фарзандони гуломгаштаи точик дар Руссия кунед ки сармояи миллати точик ва кисаи точикон онхо хастанд ки имруз мардумро начот медиханд онхое ки чонашонро дар хатар монда ба пули ночиз кор мекунанд. Озодагон лоакал андешаи мардумро чоп бикун маколахои интикодиро ки чоп намекуни боз аз озодии баен мегуи.

Ҷавоб диҳед Иқтибос Шикоят

сайдмумин

ман аз Хукумати Шахр хохиш мекунам,ки дар Хона бародори ивалид дорам сину солаш ба 32 расидай мехохам онро ойладор кунам аммо бучетам намерасад оилаи калон аст ман худам кор мекунам барман каме ердам лозим тел 888080114

Ҷавоб диҳед Иқтибос Шикоят

Эзоҳ илова кунед