28 апр 2017 14:18Оcиёи Марказӣ / Қирғизистон

Қирғизистон ба шаҳрвандонаш бепул шиносномаи биометрӣ медиҳад

Президенти Қирғизистон Алмосбек Отамбоев бо сарвазир Сооронбой Жээнбеков ва раҳбари дастгоҳи худ Сафар Исҳоқов муҳлати ҷорӣ кардани шиносномаҳои биометриро дар ин кишвар баррасӣ кард. Дар ин бора шуъбаи иттилооти дастгоҳи Отамбоев иттилоъ дод.

Сооронбой Жээнбеков қайд кард, ки роҳандозӣ кардани шиносномаҳои биометрӣ дар Қирғизистон яке аз шартҳои асосии ташкили ҳукумати электронӣ ва ворид шудани ин кишвар ба ояндаи рақамӣ тариқи иҷрои лоиҳаи пешниҳодкардаи президент - "Таз-коом" ба ҳисоб меравад.

Сарвазири Қирғизистон хабар дод, ки шаҳрвандони ин кишвар метавонанд, аз 1 май то 31 декабри соли 2017 шиносномаҳои биометриро ройгон дарёфт кунанд. "Муҳлати таҳияи шиносномаҳои нав ду баробар кам карда шуда, 14 рӯзро аз санаи пешниҳоди ариза ташкил медиҳад", - афзуд Жээнбеков.

Шиносномаҳои нави Қирғизистон маълумот дар бораи вазъи оилавӣ, маҳалли зист, шаҳрвандӣ, ҷинсият, зодгоҳ, акси рангаи соҳиби шиноснома, нақши ангуштони ҳар ду даст, имзои шахсӣ ва иттилооти дигареро, ки барои маълум кардани шахсияти одам ба ниҳодҳои дахлдор лозим аст, дар бар хоҳад гирифт.

Санади нав дар маҷмуъ 19 намуди иттилоъро фаро мегирад ва зарур шудани тағйири яке аз онҳо ба иваз кардани ҳамаи шиноснома боис хоҳад гашт.

Мӯҳр

Хабарҳои монанд:

Юсуф

Оё ин рост аст? Пас, Худо хайрашонро диҳад. Наинкӣ идораҳои Тоҷикистон, ба монандӣ шиносномадиҳӣ, нотариус, МБТИ! Агар корафтодаи онҳо шудӣ, пустат мекунанд.

Ҷавоб диҳед Иқтибос Шикоят

Чалолудиндд

Дар кишвари мо ягон намудри хизматрасони бе пул мешида боша ???????илтимос чоп кунед

Илтимос комменти Маро чоп кунед

Ҷавоб диҳед Иқтибос Шикоят

беном

Чалолиддин! Шумо холо хам намедонед, ки хизматрасонии бепул хаст. Хаст аз дарё об нушидан.

Ҷавоб диҳед Иқтибос Шикоят

Эзоҳ илова кунед