28 апр 2017 14:02Тоҷикистон / Иҷтимоӣ

Суғд: Шаҳрҳои Хуҷанду Бӯстон ва ноҳияи Б.Fафуров бештар дар баргузории хатнасуру зодрӯз ба қонуншиканӣ роҳ додаанд

Беш аз 1100 рейди муштарак дар шимоли Тоҷикистон ҳудуди 60 қонуншиканӣ ҳангоми баргузор кардани анъана ва маросимҳои миллиро ошкор намудааст.

Суҳроб Рустамзода, иҷрокунандаи вазифаи мудири шӯъба оид ба корҳои дин, танзими анъана ва ҷашну маросимҳои миллии ҳукумати вилояти Суғд дар гузориши худ гуфтааст, дар семоҳаи аввали соли равон дар шаҳру ноҳияҳои шимоли кишвар 1481 хатнасур, 3906 тӯйи домодию арӯсӣ, 1444 маросими чил ва 807 маъракаи сол баргузор гардидааст: “Дар ин давра ҳини гузаронидани 1190 рейди муштараки аъзои комиссияҳои доимӣ, санҷишу назоратҳои баргузории маърака ва маросимҳо масъулини шӯъбаи вилоятӣ ва бахшҳо оид ба корҳои дин, танзими анъана ва ҷашну маросимҳои маъмурияти шаҳру ноҳияҳои ҳудуди вилоят 57 қонуншиканӣ ба қайд гирифта шуданд”.

Ба гуфтаи ӯ, асосан шаҳрвандони шаҳру ноҳияҳои Хуҷанд, Бобоҷон Fафуров ва қисман Бӯстон (собиқ Чкалов) дар баргузории маъракаҳои хатнасур, зодрўз ба қонуншиканӣ роҳ додаанд.

Мӯҳр

Хабарҳои монанд:

Хучанди

Хамин танзим аслан барои фоидаи мардум кабул шудааст. То ки харчи бисёр ба маърака накунанду сатхи зиндагиашонро хуб гардонанд, вале ба мардум ин маъкул нест. Охир, масъулин ва хукумати азиз, бимонед мардтм кори худро кунанд. Хохад бо хазор, ду хазор, миллион нафар маърака кунад. Ба ин хел бесаводу камандешону каттачахои каллакаду фахмонидани конун душвор. Як пешниход бояд кард. Касе, ки бо одами бисёр маърака оростан бихохад, бигузор ба буджети давлат масалан 2-3 хазор сомони гузаронад. Ана мархамат туй, хатна, домодталабон ва гайраро бо як миллион ва ё зиёда гузаронад. Бовар кунед, баръакс шароит хуб мешавад, ба туйхонахо боз чойи кори пайдо мешавад, савдои бозор тез мешавад, молхо харидоргир мешавад. Мухимаш, сари хукуматдорон камтар дам мегирад аз ин проблемаи конуншикании танзим!

Ҷавоб диҳед Иқтибос Шикоят

Эзоҳ илова кунед