28 апр 2017 09:46Тоҷикистон / Сиёсат / Дидгоҳи хос

Президенту писараш санги асоси бинои нави Суди Олиро гузоштанд

Эмомалӣ Раҳмон, раисҷумҳури Тоҷикистон ва Рустами Эмомалӣ, шаҳрдори Душанбе имрӯз, 28 апрел бо гузоштани санги асос ба сохтмони бинои нави Суди Олӣ дар пойтахт оғоз бахшиданд.

Ба иттилои дафтари матбуоти раисиҷумҳури Тоҷикистон гузоштани санги асоси бино дар кӯчаи Шевченкои ноҳияи Исмоили Сомонии шаҳри Душанбе сурат гирифта, бино аз 16 ошёна иборат буда, дар маҷмуъ дорои ҳуҷраҳои корӣ барои 450 корманд, маҷлисгоҳ бо 500 ҷойи нишаст, 8 толори муҳокимаи судӣ, бойгонӣ, китобхона, китобхонаи электронӣ, боғи зимистона, ошхона барои 70 нафар ва дар таҳхонаи бино таваққуфгоҳ барои 30 нақлиёт мебошад: “Барои сохтмони иншооти мазкур аз шафати кӯчаи Шевченко дар гузаргоҳи якум бо масоҳати 0,37 гектар қитъаи замин ҷудо карда шудааст. Масоҳати умумии иншоот 17952 м2 мебошад ва баландии умумии бино аз сатҳи замин ба 72,6 метр баробар аст. Арзиши пешакии корҳои сохтмонию ороишӣ 73 миллиону 858 ҳазор сомониро ташкил медиҳад”.

Ба иттилои дафтари матбуотии раисҷумҳур дар давоми солҳои 2016 барои оғоз намудани корҳои сохтмонӣ 2 миллиону 346 ҳазор сомонӣ ҷудо гардида, дар соли 2017 баҳри идомаи корҳо 8 миллион сомонӣ маблағ пешбинӣ шудааст: “Ба ҳолати 1 апрели соли 2017 аз оғози корҳои бунёдӣ дар ҳаҷми 964 ҳазор сомонӣ корҳои сохтмонӣ-васлгарӣ иҷро карда шудааст. Дар ороиши бино аз тахтасангҳои хоро, мармар, панҷараҳои кандакории гаҷӣ, паркет, панелҳо аз навъи чубҳои қиматбаҳо ва рангҳои аълосифат истифода карда мешавад”.

Ба иттилои манбаъ пас аз шиносоӣ бо лоиҳаи бунёди бинои Суди Олӣ, Эмомалӣ Раҳмон ба коргарону мутахассисон дастур додааст, ки дар вақти сохтмон ба сифати корҳо аҳамияти аввалиндараҷа дода шавад.

Мӯҳр

Хабарҳои монанд:

Точ

Суди олии нав дар як сол суми сохтмонашро мебарорад.

Ҷавоб диҳед Иқтибос Шикоят

мухочир

то хозира суди оли дар таги дарахтхо фаолият иекард?
хамон бинояшба кор кардан гирад..ягон завод е фабрика сознд то мухочири сарсахт чои кор ебад ва аз хори ба ватан биеяд
э вой замин сахт осмон баланд

Ҷавоб диҳед Иқтибос Шикоят

Вадуд

Аввалаш замин ки суди оли бехтарин бино ва олитарин мавкеи муносиби чойгиршави дорад. Баьдан агар судхо озоду щшаффоф бошанд дар хар бинои дилхох мурофиа дар холати зарури доир мекунанд. Хуб мешуд ки маблагхоро самаранок истифода карда масалан заводу фабрикасози мекардем чои кор ташкил менамудем насли наврасро дуруст тарбия мекардем фасодро пешгири намуда теша ба решаи махалгароии захрогин мезадем. Миллатро аз тарики ВАО чахони мисли дигар рохбархо ба оламийон муаррифи мекардем ло аккал мисли Киргизистони хамсоя паспортхои биометрии шахрвандонамонро ройгон мекардем. Ин аст катрае хидмат ба мардум.

Ҷавоб диҳед Иқтибос Шикоят

Рустам

Бояд ягон завод ё фабрика сохт на ин ки бинои судӣ олӣ

Ҷавоб диҳед Иқтибос Шикоят

Эзоҳ илова кунед